Tərtərdə Vətən müharibəsi şəhidi Qənbər Qənbərlinin ikinci il dönümü qeyd edilib
Tərtər rayon İcra Hakimiyyətinin, YAP Tərtər rayon təşkilatının nümayəndələri, şəhid ailələrinin üzvləri, qazilər, veteranlar, kənd sakinləri şəhidin məzarını ziyarət edib, məzarı üzərinə gül-çiçək dəstələri düzülərək şəhidlərin ruhuna dualar oxuyublar.
Qeyd edək ki, Qənbərli Qənbər Bəhruz oğlu 1993-cü il sentyabrın 10-da Tərtər rayonunun Kəngərli kəndində anadan olub. Azərbaycan Ordusunun baş leytenantı Qənbər Qənbərli Azərbaycanın ərazi bütövlüyü uğrunda gedən 44 günlük Vətən müharibəsində Murovdağ istiqamətindəki döyüşlərdə sentyabrın 27-də şəhid olub. Uzun müddət nəşi tapılmayıb. 2021-ci il mayın 22-də nəşi tapılaraq Tərtər rayonunun Kəngərli kəndində dəfn olunub.
Azərbaycan Respublikası Prezidenti cənab İlham Əliyevin Sərəncamına əsasən, ölümündən sonra 3-cü dərəcəli “Rəşadət” ordeni, "Vətən uğrunda" və “Kəlbəcərin azad olunmasına görə” medalları ilə təltif edilmişdir.
