Tərtərdə Ulu Öndər Heydər Əliyevin anadan olmasının 101-ci ildönümü ilə əlaqədar “Heydər Əliyev və müasir Azərbaycan” mövzusunda rəsm müsabiqəsi keçirilib
07 may 2024-cü il tarixdə Tərtər Rayon İcra Hakimiyyətinin, YAP Tərtər rayon təşkilatının və Qarabağ Regional Təhsil İdarəsi Tərtər rayon Təhsil sektorunun birgə təşkilatçılığı ilə Ümummilli Lider Heydər Əliyevin anadan olmasının 101-ci ildönümü münasibətilə Tərtər rayon Uşaq Gənclər İnkişaf Mərkəzinin akt zalında müxtəlif yaş kateqoriyalarından ibarət məktəblilər arasında “Heydər Əliyev və müasir Azərbaycan” mövzusunda rəsm müsabiqəsi keçirilmişdir.
Tədbir iştirakçıları əvvəlcə Ümummilli Lider Heydər Əliyevin və şəhidlərimizin əziz xatirəsini ehtiramla yad etdilər.
Tədbirdə çıxış edən YAP Tərtər rayon təşkilatının sədri Eldar Əsədov bildirmişdir ki, müsabiqənin keçirilməsində məqsəd ulu öndər Heydər Əliyevin Azərbaycan dövləti qarşısındakı misilsiz fəaliyyəti, onun dövlətçiliyimizin xilaskarı olması və bu gün Prezident İlham Əliyevin həyata keçirdiyi uğurlu siyasətin əsasının məhz Ümummilli Lider tərəfindən qoyulması ilə bağlı məlumatların şagirdlərə çatdırılmasından ibarətdir.
Sonra çəkilmiş rəsmlərə baxış keçirilmiş və müsabiqənin qalibləri müəyyənləşdirilmişdir.
Müsabiqədə qaliblər YAP Tərtər rayon təşkilatının Fəxri Fərmanı ilə təltif edilmişdir.
