Tərtərdə tir atıcılığı üzrə rayon turniri keçirilib
23 noyabr 2022-ci il tarixdə rayonun ümumtəhsil məktəblərinin yuxarı sinif şagirdləri arasında tir atıcılığı üzrə rayon turnir keçirilmişdir. Turnirdə ümumilikdə 26 məktəbin şagirdi şəxsi birincilik uğrunda mübarizə aparmışdır.
Turnirə başlamazdan öncə Tərtər rayon Gənclər İdman idarəsinin rəis müavini Şəhram Quliyev yarışın keçirilməsinin əsas məqsədi məktəblilərə vətənpərvərlik ruhunun aşılanmasından, eləcə də vətənpərvərlik və vətəndaşlıq sahəsində aparılan işlərin səmərəsinin artırılmasından, həmçinin məktəblərdə gənclərin çağırışaqədərki hazırlığı fənninin tədris səviyyəsinin yüksəldilməsindən ibarət olduğunu vurğulamışdır.
Hesablamalar hədəfdəki şkalaya uyğun olaraq aparılıb və ən çox xal toplayanlar arasından l yeri şəhər 1 saylı tam orta məktəbin şagirdi Nəbizadə Ömər Hikmət oğlu, ll yeri Mamırlı kənd tam orta məktəbin şagirdi Məmmədov Cabir Faiq oğlu, lll yeri İsmayılbəyli kənd tam orta məktəbin şagirdi Novruzov Fikrət Kamil oğlu tutaraq müvafiq diplomlarla mükafatlandırılmışlar.
