Tərtərdə sərbəst güləş idman növü üzrə açıq Tərtər birinciliyi keçirilmişdir
17 iyul 2022-ci il tarixdə Tərtər rayon Gənclər və İdman idarəsi ilə Tərtər Olimpiya İdman Kompleksinin birgə təşkilatçılığı əsasında sərbəst güləş idman növü üzrə kadet və yeniyetmə güləşçilər arasında açıq Tərtər birinciliyi keçirilmişdir.
Yarışa başlamazdan öncə, Olimpiya İdman Kompleksinin direktoru Emin Dadaşov çıxış edərək qonaq idmançıları və məşqçiləri salamlamış, onlara keçirilən yarışa ev sahibliyi etməklərindən qürur duyduğunu vurğulamışdır. Daha sonra yarışın keçirilməsində idmanın kütvəliyinin artırılması, sərbəst güləş idman növünün inkişaf etdirilməsi məqsədindən bəhs edərək yarışı açıq elan etmişdir.
Yarışa 10 rayondan (Tərtər, Yevlax, Bərdə, Zaqatala, Qax, Mingəçevir, Füzuli, Ağcabədi, Laçın, Qəbələ) 120-yə yaxın idmançı qatılmışdır.
Yekunda qaliblər diplom və medallarla təltif olunmuşlar.
