Tərtərdə Novruzun gəlişilə bağlı iməclik aksiyası keçirilib
15 mart 2025 | 09:52
Tərtər Rayon İcra Hakimiyyətinin təşkilatçılığı ilə Heydər Əliyev prospektində və şəhərin digər küçələrində iməclik aksiyası keçirilib.
İməclikdə Tərtər Şəhəri Komunal təsərrüfatı idarəsinin və DOST MMC-nin işçiləri iştirak ediblər.
Aksiya çərçivəsində işıq dirəkləri və yol hərəkəti nişanları yuyularaq təmizlənib, küçələrdə yol kənarlarında təmizlik işləri aparılıb, qurumuş ağaclar doğranıb, yarpaqlar və məişət tullantıları toplanaraq xüsusi texnikalar vasitəsi ilə ərazidən götürülüb.
İməcliyin keçirilməsində məqsəd ekoloji vəziyyətin sağlamlaşdırılması, cəmiyyətdə ekoloji mədəniyyəti, təbiətə qayğını təbliğ etmək ənənələrini davam etdirmək və ətraf mühitin qorunmasına töhfə verməkdən ibarətdir.
Keçidlər
