Tərtərdə növbəti dəfə iməclik aksiyası keçirilib
Prezident İlham Əliyevin müvafiq Sərəncamı ilə 2025-ci ilin “Konstitusiya və Suverenlik İli” elan edilməsi ilə əlaqədar Tərtər Rayon İcra Hakimiyyətinin təsdiq etdiyi Tədbirlər Planına uyğun olaraq Tərtər Rayon İcra Hakimiyyətinin təşkilatçılığı ilə şəhid Aslan Hüseyovun adına olan küçədə iməclik aksiyası keçirilib.
İməclikdə Tərtər Şəhəri Komunal təsərrüfatı idarəsinin və DOST MMC-nin işçiləri iştirak ediblər.
Aksiya çərçivəsində yol kənarlarında təmizlik işləri aparılıb, qurumuş ağaclar doğranıb, yarpaqlar və məişət tullantıları toplanaraq xüsusi texnikalar vasitəsi ilə ərazidən götürülüb.
İməcliyin keçirilməsində məqsəd ekoloji vəziyyətin sağlamlaşdırılması, cəmiyyətdə ekoloji mədəniyyəti, təbiətə qayğını təbliğ etmək ənənələrini davam etdirmək və ətraf mühitin qorunmasına töhfə verməkdən ibarətdir.
