Tərtərdə məişət zorakılığının yayılma səviyyəsi və onu törədən səbəblərlə bağlı sorğu keçirilərək, müzakirələr aparılıb
Tərtər Rayon İcra Hakimiyyətinin və Tərtər Peşə Məktəbinin təşkilatcılığı ilə rayonda məişət zorakılığının yayılma səviyyəsinin və onu törədən səbəblərlə bağlı “dəyirmi masa” keçirilib.
“Dəyirmi masa”da Tərtər Rayon İcra Hakimiyyəti Başçısı Aparatında Böyük məsləhətçi – Yetkinlik yaşına çatmayanların işləri və hüquqlarının müdafiəsi üzrə komissiyanın məsul katibi Rəvan Həsənov, İctimai-siyasi və humanitar məsələlər şöbəsinin baş məsləhətçisi Svetlana Əzizova, məktəbin pedaqoji kollektivi və ictimaiyyət nümayəndələri iştirak ediblər.
Tədbirdə rayon icra hakimiyyətinin əməkdaşı Rəvan Həsənov rayonda məişət zorakılığına qarşı aparılan mübarizə tədbirləri haqqında ətraflı məlumat verib. Sonra “dəyirmi masa” arxasında məişət zorakılığının yayılma səviyyəsi və onu törədən səbəblərlə bağlı sorğu keçirilərək, müzakirələr aparılıb.
Çıxış edənlər ”Məişət zorakılığının qarşısının alınması haqqında” qanunun qəbul edilməsinin bu məsələyə dövlətin diqqət və qayğısının təzahürü olduğu bildiriblər.
Tədbirin sonunda iştirakçılara “Məişət zorakılığı qurbanlarının hüquqları” adlı proşuralar paylanıb.
