Tərtərdə “Konstitusiya və suverenlik ili” çərçivəsində “Heydər Əliyev müstəqil Azərbaycan Konstitusiyasının müəllifidir” mövzusunda “dəyirmi masa” keçirilib

Tərtər Rayon İcra Hakimiyyətinin, YAP rayon təşkilatının və Qarabağ Regional Mədəniyyət İdarəsinin Tərtər nümayəndəliyinin təşkilatçılığı ilə Heydər Əliyev Mərkəzində “Konstitusiya və suverenlik ili” çərçivəsində “Heydər Əliyev müstəqil Azərbaycan Konstitusiyasının müəllifidir” mövzusunda “dəyirmi masa” keçirilib.

“Dəyirmi masa”da rayon icra hakimiyyətinin, YAP rayon təşkilatının əməkdaşları, təhsil, səhiyyə və mədəniyyət işçiləri iştirak ediblər. Əvvəlcə Ümummilli Liderin və torpaqlarımızın suverenliyi uğrunda canlarından keçmiş şəhidlərimizin ruhu bir dəqiqəlik sükutla yad edilib.

Tədbirdə iştirak edən rayon icra hakimiyyəti başçısı apöaratında İctimai-siyasi və humanitar məsələlər şöbəsinin müdirinin müavini Zabil Paşayev çıxış edərək bildirib ki, 2025-ci il Azərbaycan Pespublikası Prezidentinin sərəncamı ilə “Konstitusiya və suverenlik ili” elan olunub. “Konstitusiya və suverenlik ili” ilə bağlı Tərtər Rayon İcra Hakimiyyətinin Tədbirlər Planına uyğun olaraq rayonumuzda silsilə tədbirlər keçirilir. Ölkənin əsas qanunu olan Konstitusiya hər bir vətəndaşın fəaliyyətinin əsasıdır. Çünki bu fəaliyyət müstəqil Azərbaycanın təhlükəsizliyinin, vətəndaşların hüquq və azadlıqlarının qorunması işinə bilavasitə kömək edir. Ulu öndər Heydər Əliyevin rəhbərliyi ilə 1995-ci il noyabrın 12-də ümumxalq səsverməsi (referendum) yolu ilə qəbul edilən müstəqil Azərbaycan Respublikasının ilk Konstitusiyası beynəlxalq hüquq normalarına uyğun, insan hüquq və azadlıqlarına geniş yer ayıran mükəmməl normativ-hüquqi sənəddir.

Sonra YAP təşkilatının əməkdaşı Gündüz Alıkişiyev, Kəngərli kənd tam orta məktəbin direktor müavini Rasif Abbasov, Sarıcalı kənd tam orta məktəbin direktor müavini Ülviyyə Orucova, Gigiyena və Epidemiologiya Mərkəzinin işçiləri Nüşabə Əliyeva, Rəhimə Quliyeva, Heydər Əliyev Mərkəzinin əməkdaşı Samirə Səfərova, Tərtər Peşə məktəbinin müəllimi Vasif Kərimov və həmin məktəbin tələbəsi Sabir Rəfiyev çıxış ediblər. Onlar öz çıxışçılarında bildiriblər ki, Azərbaycan Respublikasının Konstitusiyası dünyanın ən demokratik prinsiplərini, insan haqlarını özündə ehtiva etməklə yanaşı, ölkəmizdə hüquqi dövlətin və insan azadlıqlarının qrantıdır.

Qeyd olunub ki, 1918-ci il mayın 28-də yaranmış Şərqdə ilk demokratik respublikanın- Azərbaycan Xalq Cümhuriyyətinin Konstitusiyası olmayıb. Lakin Azərbaycan Xalq Cümhuriyyəti qısa vaxt ərzində Konstitusiya xarakteri daşıyan bir neçə akt, qərar qəbul edib və onların əsasında fəaliyyət göstərib.

Diqqətə çatdırılıb ki, Azərbaycanda Sovet hakimiyyəti dövründə beş konstitusiya qəbul olunsa da, əslində onlar SSRİ-nin Konstitusiyasına uyğunlaşdırılırdı. Ümummilli lider Heydər Əliyevin ən gözəl əsərlərindən biri sayılan Konstitusiyamız bu gün özündə müasir demokratik amilləri əks etdirir və dünyanın bir çox ölkələrinin konstitusiyalarından öndə durur, vətəndaş hüquqlarını, vəzifələrini, qanunvericilik, icra və məhkəmə hakimiyyətini, dövlət quruluşunu, mülkiyyət formalarını müəyyənləşdirən Konstitusiyamızın qəbul edilməsi dövlətimizin həyatında mühüm ictimai-siyasi hadisə hesab edilir.