Tərtərdə “Heydər Əliyev ili” çərçivəsində mini-futbol turniri keçirilib

03-08 may 2023-cü il tarixlərdə Tərtər Rayon İcra Hakimiyyətinin, Rayon Təhsil sektorunun və Tərtər rayon Gənclər və İdman İdarəsinin birgə təşkilatçılığı ilə Tərtər OİK-lə razılaşdırılmış əsasnaməyə uyğun olaraq ümummilli lider Heydər Əliyevin anadan olmasının 100 illiyinə həsr edilmiş mini-futbol idman növü üzrə rayonun ümumtəhsil məktəblərinin yuxarı sinif şagirdləri arasında rayon turniri keçirilib.

Turnirdə ümumilikdə rayonun 32 tam orta məktəbinin komandası iştirak edib.

Çempionatın bağlanış mərasimində Tərtər RİH-nin məsul əməkdaşı Rəvan Həsənov, Tərtər Gİİ-nin rəisi Emin Pənahov və Tərtər UGİŞM-nin direktoru Emin Quliyev çıxış edərək hər biri ayrı-ayrılıqda yarışın keçirilmə məqsədindən, rayonda Ulu Öndər Heydər Əliyevin anadan olmasının 100 illiyi ilə bağlı ardıcıl olaraq keçirilən silsilə tədbirlərdən ətraflı danışıblar.

Olimpiya sistemi əsasında maraqlı mübarizə şəraitində keçirilən yarışda qaliblər aşağıdakı ardıcıllığa uyğun olaraq müvafiq yerləri tutublar.

l yer – Bəyimsarov kənd tam orta məktəbin komandası

ll yer – Şəhər 1 saylı tam orta məktəbin komandası

lll yer – Şəhər 5 saylı tam orta məktəbin komandası

Çempionatın qalibi Tərtər rayon Gənclər və İdman İdarəsi tərəfindən kubok və diplomla, digər qalib komandalar isə müvafiq diplomlarla təltif ediliblər.