Tərtərdə "44 günlük Zəfər tariximiz" adlı inşa-yazı müsabiqəsi keçirilmişdir

26 sentyabr 2022-ci il tarixdə Tərtər Uşaq Gənclər İdman Şahmat Məktəbində Tərtər Rayon İcra Hakimiyyətinin tədbirlər planına uyğun olaraq rayon Gənclər və İdman İdarəsinin, rayon Təhsil şöbəsinin birgə təşkilatçılığı əsasında "27 sentyabr-Anım günü"nə həsr edilmiş "44 günlük Zəfər tariximiz" adlı inşa-yazı müsabiqəsi keçirilmişdir.

Müsabiqədə şəhidlərin əziz xatirəsi bir dəqiqəlik sükutla yad edilmişdir.

Müsabiqədə Tərtər Rayon İcra Hakimiyyətinin vətən müharibəsi iştirakçıları və şəhid ailələri ilə işin təşkili şöbəsinin müdiri Ülvi Nəcəfov, Tərtər rayon Gənclər və İdman İdarəsinin rəis müavini Şəhram Quliyev və Tərtər Uşaq Gənclər İdman Şahmat Məktəbinin direktoru Emin Quliyev ətraflı çıxış edərək tarixən mənfur düşmən tərəfindən xalqımıza qarşı törədilən təxribatlardan, etnik təmizləmə siyasətindən,terror hadisələrindən, düşmənin yeni ərazi iddiaları kimi məkrli niyyətlərindən ətraflı bəhs etmişlər.Müsabiqənin əsas məqsədinin şəhidlərin əziz xatirələrinin daim yaşadılması və "Anım günü"nün rayonumuzda yüksək səviyyədə qeyd edilməsindən ibarət olduğu şagirdlərə aşılanmışdır.

Sonra müsabiqə iştirakçılarına uğurlar dilənərək tədbir açıq elan edilmişdir.

Ümumilikdə inşa-yazı müsabiqəsinə rayonun 42 məktəbinin şagirdləri qatılmışdır.

Qaliblər müəyyən edilərək Tərtər rayon Gənclər və İdman İdarəsinin müvafiq diplomları ilə təltif ediləcəklər .