Tərtər şəhərinin küçə və yaşayış sahələrinin asfaltlanması işləri davam etdirilir
Tərtər şəhərində vətəndaşların rahat gediş-gəlişini təmin etmək məqsədilə təmirə ehtiyacı olan küçə və yaşayış sahələrinin asfaltlanması işləri davam etdirilir.
2025-ci ilin ilk günlərindən başlayaraq Tərtər şəhərinin Üzeyir Hacıbəyli, Mahir Əsədov, Vüqar Həsənov, Füzuli Rüstəmov, Mehman Dadaşov, Səməd Vurğun, Aysənan Abbasov, Məftun Əhmədzadə küçələri asfaltlanıb. Əvvəlcə yolların yatağı qum-çınqıl tökülərək xüsusi texnikalar vasitəsi ilə hamarlanıb, daha sonra asfalt örtüyü çəkilib. Küçələrdə elektrik, qaz, su və telekommunikasiya xətləri də qaydaya salınıb. Sözügedən küçələrə ilk dəfə asfalt örtük çəkilir. Əvvəllər bu yolların yatağı çınqıldan ibarət olub.
Əlavə olaraq Elman Səfərov küçəsində şəhid və qazi ailələri üçün inşa edilmiş yaşayış binalarının həyətində abadlıq işləri həyata keçirilib, söhbətgah quraşdırılıb, yeni asfalt örtüyü salınıb və yaşıllıqlar səliqəyə salınıb.
Tərtər Rayon İcra Hakimiyyətinin başçısı Müstəqim Məmmədov asfalt örtüyü salınan əraziyə gedərək, görülən işlərlə yerində tanış olub, əlaqədar şəxslərə tapşırıq və tövsiyyələrini verib, sakinlərlə görüşüb.
Sakinlər görülən işlərdən razılıq edərək, aparılan abadlıq işlərinə görə Azərbaycan Respublikası Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər
