Tərtər şəhəri ərazisində növbəti iməclik aksiyası keçirilib
Prezident İlham Əliyevin müvafiq Sərəncamı ilə 2025-ci ilin “Konstitusiya və Suverenlik İli” elan edilməsi ilə əlaqədar Tərtər Rayon İcra Hakimiyyətinin təsdiq etdiyi Tədbirlər Planına uyğun olaraq Tərtər Rayon İcra Hakimiyyətinin təşkilatçılığı ilə Tərtər şəhərində iməclik aksiyası keçirilib.
İməclikdə Tərtər Şəhəri Komunal təsərrüfatı idarəsinin və DOST MMC-nin işçiləri iştirak ediblər.
Aksiya çərçivəsində yol kənarları alaq otlarından təmizlənib, mövsümlə əlaqədar ağac və kollarda budama aparılıb, qurumuş ağaclar doğranıb, ağacların dibləri bellənərək suvarılıb, məişət tullantıları toplanaraq xüsusi texnikalar vasitəsi ilə ərazidən götürülüb.
İməcliyin keçirilməsində məqsəd ekoloji vəziyyətin sağlamlaşdırılması, cəmiyyətdə ekoloji mədəniyyəti, təbiətə qayğını təbliğ etmək ənənələrini davam etdirmək və ətraf mühitin qorunmasına töhfə verməkdən ibarətdir.
