Tərtər Rayon İcra Hakimiyyətinin başçısı Ege Hospitalda cərrahiyə əməliyyat olunan və hazırda orda müalicə alan 3-cü qrup Vətən Müharibəsi əlili Elmin Mehdizadəni ziyarət edib
Tərtər Rayon İcra Hakimiyyətinin Başçısı Müstəqim Məmmədov Tərtər rayon Məhkəməsinin sədri Tahir Qubadov və şəhid Şaban Cəfərov adına Xeyriyyə Cəmiyyətinin sədri Nərmin Şaban qızı ilə birlikdə Ege Hospitalda cərrahiyə əməliyyat olunan və hazırda orda müalicə alan Tərtər şəhər sakini, 3-cü qrup Vətən Müharibəsi əlili Mehdizadə Elmin Elgün oğlunu ziyarət edib, müalicəsi, səhhəti və qayğıları ilə maraqlanıb.
Qeyd edək ki, qazi Elmin Mehdizadə Talış və Suqovuşan kəndləri uğrunda gedən döyüşlərdə iştirak edib. Azərbaycan Respublikasının Prezidenti, Ali Baş Komandan cənab İlham Əliyevin Sərəncamı ilə “Suqovuşanın azad olunmasına görə” və “Cəsur döyüşçü” medalları ilə təltif olunub.
Qazi və ailə üzvləri şəhid ailələrinə, qazilərə, şəxsən onun səhhətinə göstərilən diqqət və qayğıya görə Azərbaycan Respublikası Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıq ediblər.
