Tərtər Rayon İcra Hakimiyyətinin başçısı 8 mart Beynəlxalq Qadınlar Günü münasibəti ilə antiterror əməliyyatlarında şəhid olmuş hərbçilərin analarını ziyarət edib
Tərtər Rayon İcra Hakimiyyətinin başçısı Müstəqim Məmmədov hüquq mühafizə orqanlarının əməkdaşları ilə birlikdə 8 mart Beynəlxalq Qadınlar Günü münasibəti ilə 19 sentyabr 2023-cü il tarixdə keçirilən lokal xarakterli antiterror əməliyyatlarında şəhid olmuş rayonun Səhlabad kəndində 3-cü dərəcəli “Rəşadət” ordenli və “Vətən uğrunda” medallı kiçik çavuş Lalayev Ruslan Akif oğlunun, Kəngərli kəndində yaşayan 3-cü dərəcəli “Vətənə xidmətə görə” ordenli və “Vətən uğrunda”medallı şəhid Abbaszadə Emin Faiq oğlunun, Qaradağlı kəndində 3-cü dərəcəli “Vətənə xidmətə görə” ordenli və “Vətən uğrunda” medallı İbrahimov Elnur Səxavət oğlunun, Seyidimli kəndində 3-cü dərəcəli “Vətənə xidmətə görə” ordenli və “Vətən uğrunda” medallı şəhid Səfərov Cavid Rövşən oğlunun, əslən Tərtər rayonunun Çardaqlı kəndindən olan, Oğuz rayonunun Xalxal kəndində yaşayan 3-cü dərəcəli “Vətənə xidmətə görə” ordenli və“Vətən uğrunda” medallı şəhid Ağayev Kənan Vahid oğlunun və Evoğlu kəndində 3-cü dərəcəli “Vətənə xidmətə görə” ordenli və “Vətən uğrunda” medallı şəhid Vəlizadə Rəşad Elşən oğlunun ailəsini ziyarət edib, şəhid analarını təbrik edərək onlara rayon icra hakimiyyətinin təşəkkürnamələrini təqdim edib, qayğıları ilə maraqlanıb.
İcra başçısı şəhid ailələrinə dövlət tərəfindən göstərilən diqqət və qayğıdan danışaraq, onlara ən səmimi arzularını çatdırıb, Vətənə layiqli övlad bəxş etdikləri üçün minnətdarlığını bildirib, şəhidlərə Ulu Tanrıdan rəhmət diləyərək ailəyə səbr diləyib. Şəhidlərin evdən deyil, eldən gedən oğullar olduğunu vurğulayıb.
Ziyarət zamanı şəhidin ailə üzvləri ilə birlikdə onların xatirəsi anılıb, ailə üzvləri rayon rəhbəri ilə şəhidlər haqqında xatirələrini bölüşüblər.
Şəhid ailələri onlara göstərilən diqqət və qayğıya görə Azərbaycan Respublikasının prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
