Tərtər rayon Heydər Əliyev Mərkəzində “Qəlbimizdə Heydər Əliyev sevgisi“ adlı dəyirmi masa keçirilib

Tərtər rayon İcra Hakimiyyəti, Bərdə Regional Mədəniyyət İdarəsi və Tərtər rayon Heydər Əliyev Mərkəzinin birgə hazırladığı tədbirlər planına əsasən, ümumilli lider Heydər Əliyevin 100 illik yubileyi ilə əlaqədar olaraq 12.01.2022-ci il tarixində “100 illik Azərbaycan tarixi – Heydər Əliyev” adlı yeni layihəyə başladı. Layihə çərçivəsində “Qəlbimizdə Heydər Əliyev sevgisi“ adlı dəyirmi masa keçirilib. Tədbirdə rayon Heydər Əliyev Mərkəzinin,  Mədəniyyət Mərkəzinin, Tarix Diyarşunaslıq müzeyinin əməkdaşları iştirak edib.

Əvvəlcə tədbir iştirakçıları ümummilli lider Heydər Əliyevin büstünü ziyarət edib, xatirəsini ehtiramla anıblar.

Sonra ümummilli lider Heydər Əliyevin və torpaqlarımızın azadlığı uğrunda canlarından keçən Vətən oğullarının əziz xatirəsi bir dəqiqəlik sükutla anılıb. Dövlət Himni oxunub.

Tədbiri giriş sözü ilə Tərtər rayon Heydər Əliyev mərkəzinin direktoru Səlimə Yusibova açaraq qeyd edib ki, Tərtər rayon Heydər Əliyev Mərkəzinin əsas fəaliyyət istiqaməti Ulu öndər Heydər Əliyevin həyat və yaradıcılığının təbliği, tədqiqi ilə məşğul olmaqdan ibarətdir. Açılışı 10 il bundan öncə edilən, 10 ildir ki fəaliyyət göstərən Tərtər rayon Heydər Əliyev Mərkəzi davam edən fəaliyyəti dövründə Heydər Əliyev ideyalarına, onun siyasi xəttinə sadiq olaraq iş prinsipini böyük həvəs və qürurla yerinə yetirir. Bu ilin Heydər Əliyev ili elan olunması bizim fəaliyyətimizə daha böyük məsuliyyətlə yanaşmağımıza zəmin yaradır. Hər zaman olduğu kimi, bu ildə iş fəaliyyətimizdə Heydər Əliyev irsinin təbliği məqsədi ilə dəyirmi masaların təşkili, seminarlar, mühazirələr, vebenarlar, kitab sərgiləri, əl işləri sərgisi, inşa müsabiqəsi, bilik yarışması, karaoki, kino nümayişləri təşkil edəcəyik. Bunlar bizim ənənəvi fəaliyyətimizdir. Bütün bu fəaliyyətimizi Heydər Əliyev ilində “100 illik Azərbaycan tarixi – Heydər Əliyev “ adlı layihə çərçivəsində təşkil edəcəyik.

Sonra mərkəzin əməkdaşları Fəridə Süleymanova, Nəcmiyyə Zeynalzadə, Tərtər Tarix Diyarşünaslıq Muzeyinin direktoru Aybəniz Şahbazi, MSK-nın əməkdaşı Ətrabə Süleymanova çıxış ediblər.

Tədbirdə Ulu öndərlə bağlı iki videoçarx nümayiş olunub.