Şəhid ailəsinin müraciəti öz müsbət həllini tapıb
Azərbaycan Respublikasının Prezidenti cənab İlham Əliyevin tapşırıq və tövsiyyələrinə uyğun olaraq mütəmadi surətdə Tərtər Rayon İcra Hakimyyəti başçısı tərəfindən həm rayon icra hakimiyyətində, həm də yerlərdə vətəndaş qəbulları keçirilir. Keçirilən qəbullarda vətəndaşları narahat edən məsələlər yerində öyrənilir və onların rastlaşdıqları problemləri həll olunaraq, vətəndaş məmnunluğu təmin olunur.
Tərtər Rayon İcra Hakimiyyəti başçısının növbəti səyyar qəbulunda şəhid Zəka Həsənovun anası Xoruzlu kənd sakini Nazilə Həsənova müraciət edərək kəndin mərkəzinə vətəndaşlar tərəfindən tökülən məişət tullantılarının təmizlənməsinə köməklik göstərilməsini xahiş edib.
Müraciət əsasında rayon icra hakimiyyəti başçısının tapşırığına uyğun olaraq Xoruzlu kənd İƏD üzrə nümayəndəlik və Qaradağlı bələdiyyəsi tərəfindən məişət tullantıları təmizlənərək ərazidən daşınıb.
Şəhid anası müraciətinin tez bir zamanda həll olunduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildirib.
