Sakinlərinin müraciəti həll olundu

Azərbaycan Respublikasının Prezidenti cənab İlham Əliyevin tapşırıq və tövsiyyələrinə uyğun olaraq mütəmadi surətdə Tərtər Rayon İcra Hakimyyəti başçısı tərəfindən həm rayon icra hakimiyyətində, həm də yerlərdə vətəndaş qəbulları keçirilir. Keçirilən qəbullarda vətəndaşları narahat edən məsələlər yerində öyrənilir və onların rastlaşdıqları problemləri həll olunaraq, vətəndaş məmnunluğu təmin olunur.

Tərtər Rayon İcra Hakimiyyəti başçısının növbəti səyyar qəbulunda Evoğlu və Azad Qaraqoyunlu kənd sakinləri müraciət edərək Azad Qaraqoyunlu- Evoğlu kəndlərarası avtomobil yolunun kənarlarına vətəndaşlar tərəfindən tökülən məişət tullantılarının təmizlənməsinə köməklik göstərilməsini xahiş ediblər.

Müraciət əsasında rayon icra hakimiyyəti başçısının tapşırığına uyğun olaraq Evoğlu və Azad Qaraqoyunlu kənd İƏD üzrə nümayəndəliyin eləcədə Azad Qaraqoyunlu Bələdiyyəsinin əmakdaşları tərəfindən Tərtərçay Hidroqovuşaq İstismarı idarəsinin xüsusi texnikaları vasitəsi ilə ərazidə olan məişət tullantıları  daşınaraq ərazidən təmizlənmişdir.

Kənd sakinləri müraciətlərinin tez bir zamanda həll olunduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildirib.