Rayonun umumtəhsil məktəblərinin yuxarı sinif şagirdləri arasında “ Ulu Öndər Heydər Əliyevin irsi milli sərvətimizdir” mövzusunda inşa yazı müsabiqəsi keçirilib

Azərbaycan Respublikasında 2023-cü ilin “Heydər Əliyev İli” elan edilməsi haqqında” Respublika Prezidentinin 29 sentyabr 2022-ci il tarixli Sərəncamına əsasən Umummilli Liderin anadan olmasının 100 illiyi və 2023-cü ilin “Heydər Əliyev ili” elan edilməsinə dair Tərtər Rayon İcra Hakimiyyətinin Tədbirlər Planına əsasən  rayonda silsilə tədbirlər keçirilir. Həmin Tədbirlər Planına əsasən  fevral ayının 6-da rayon icra kakimiyyətinin və rayon təhsil sektorunun təşkilatçılığı ilə  Tərtər Şəhər   Uşaq ,Gənclər , Şahmat İdman Məktəbində rayonun umumtəhsil məktəblərinin yuxarı sinif şagirdləri arasında “ Ulu Öndər Heydər Əliyevin irsi milli sərvətimizdir”  mövzusunda   inşa yazı müsabiqəsi keçirilib.

Tədbir iştirakçıları əvvəlcə Umummilli Liderin  və torpaqlarımızın azadlığı uğrunda canlarından keçmiş  şəhidlərin xatirəsinə  hörmət və ehtiram əlaməti olaraq  onların xatirəsini bir dəqiqəlik sükutla yad ediblər.

Tədbiri tayon təhsil sektorunun  müdiri Oktay Sarıkişiyev  açaraq inşa yazı müsabiqəsinin keçirilməsinin məqsədi barədə məlumat verib.Ulu Öndərin  gəncləri Azərbaycanın gələcəyi  adlandırdığını bildirərək,Ulu Öndərin  həyat və fəaliyyəti,onun müstəqil  Azərbaycanın yaradıcısı olduğu, Azərbaycan təhsilinin inkişafına,gənclərə göstərdiyi diqqət və qayğıdan danışıb.

Sonra  rayon  Təhsil sektorunun  metodisti Kifayət Mürsəlova müsabiqə iştirakçılarına mövzu haqqında məlumat verib.

Tədbirdə iştirak edən  rayon icra hakimiyyəti başçısı aparatının İctimai siyasi və humanitar məsələlər şöbəsi müdirinin müavini   Zabil Paşayev məktəblilərə  müsabiqədə uğurlar arzulayıb.

İnşa yazı müsabiqəsində  35 nəfər yuxarı sinif şagirdi iştirak edib. Məktəblilərə inşa yazini yazmaq üçün 90 dəqiqə vaxt ayrılıb.

Yaxın günlərdə müsabiqənin qalibləri  elan ediləcək.