Rayon rəhbəri Vətən Müharibəsi şəhidi Məmmədov Elman Bəhmən oğlunun ikinci ildönümü ilə əlaqədar ailəsini ziyarət edib
Tarix yazan şəhidlərdən biri də Tərtərin igid oğlu Məmmədov Elman Bəhmən oğludur.
Oktyabrın 3-də Tərtər Rayon İcra Hakimiyyətinin başçısı Müstəqim Məmmədov rayonun Borsunlu kəndindən olan 1991-ci il təvəllüdlü şəhid Elman Məmmədovun şəhadətinin ikinci ildönümü ilə bağlı onun ailəsində olub. Tərtər Cümə Məscidinin imamı tərəfindən şəhidlərin ruhuna dua oxunub, xatirələri yad olunub.
Elman Məmmədov torpaqlarımızın ərazi bütövlüyü uğrunda gedən döyüşlərdə Fizuli istiqamətində vuruşub və 2020-ci il oktyabrın 3-də döyüş tapşırığını yerinə yetirərkən şəhid olub. O,ölümündən sonra Azərbaycan Respublikası Prezidentinin Sərəncamı ilə “Vətən uğrunda”, “Fizulinin azad olunmasına görə” və “İgidliyə görə” medalları ilə təltif olunub.
Allah şəhidlərimizə rəhmət eləsin!
