Rayon rəhbəri Ümummilli liderin 100 illik yubileyi münasibəti ilə təşkilat komitəsinin üzvlərinə müvafiq tapşırıq və tövsiyələr verib
Möhtərəm Prezidentimiz cənab İlham Əliyevin 29 sentyabr 2022-ci il tarixli 2023-cü ilin “Heydər Əliyev ili” elan olunması və 28 noyabr 2022-ci il tarixli “Azərbaycan Respublikasında 2023-cü ilin “Heydər Əliyev İli” elan edilməsi ilə bağlı Tədbirlər Planı”nın təsdiq edilməsi haqqında imzaladığı sərəncamların icrasını təmin etmək üçün Tərtər Rayon İcra Hakimiyyətinin başçısı tərəfindən 10 yanvar 2023-cü il tarixdə il ərzində keçiriləcək tədbirlərin təqvim planı təsdiq edilib.
Tərtər rayon İcra Hakimiyyətinin başçısı Müstəqim Məmmədov yubiley tədbirlərinin keçirilməsi üçün yaradılmış təşkilat komitəsinin üzvləri ilə birlikdə rayon icra hakimiyyətinin təqvim planında nəzərdə tutulmuş, keçirilmiş tədbirləri müzakirə etmiş, keçiriləcək tədbirlər ilə bağlı təşkilat komitəsinin üzvlərinə müvafiq tapşırıq və tövsiyələr vermişdir.
