Şriftin ölçüsü :

Saytın rəngi :

Rayon rəhbəri şəhərin küçələrində aparılan əsaslı təmir işləri ilə yerində tanış olub

10 mart 2025 | 16:29

2025-ci ilin ilk aylarından başlayaraq Tərtər şəhərində tikinti, abadlıq-quruculuq işləri geniş vüsət alıb. Küçələr memarlıq tələblərinə uyğun olaraq yenidən qurulur.

Cari ildə şəhərin şəhidlərin adını daşıyan 9 küçəsinin əsaslı təmiri, digər 3 küçəsində isə səkilərin salınması işləri nəzərdə tutulub.

Tərtər Rayon İcra Hakimiyyətinin başçısı Müstəqim Məmmədov hazırda Azərbaycanın Milli Qəhramanı, şəhid Murad Mirzəyevin adını daşıyan küçədə aparılan əsaslı təmir işləri ilə yerində tanış olub, aidiyyəti şəxslərə öz tövsiyyə və tapşırıqlarını verib.

Qeyd edək ki, təmir aparılan küçədə istinad divarları hörülüb hündürləşdirilir, qəzalı vəziyyətdə olan divarlar sökülüb yenisi ilə əvəz olunur, divarlar aqlay və bəzək daşları ilə üzlənir. Kommunikasiya, işıq, telefon xəttləri səliqəyə salınır, ağaclar budanır, təmizlik işləri aparılır.

Rayon rəhbəri təmir işləri aparılan küçədə sakinlərlə görüşərək, onları narahat edən məsələləri yerində dinləyib, sakinləri əmin edib ki, şəhərdə abadlıq-quruculuq işlərinin uğurla davam etdirilməsi üçün bütün lazımi imkanlardan istifadə ediləcək.

Küçənin sakinləri görülən işlərdən razılıq edib, aparılan əsaslı təmir işlərinə görə Azərbaycan Respublikası Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Keçidlər