Rayon rəhbəri “Konstitusiya və Suverenlik İli” ilə bağlı şəhid Orxan İsmayılzadənin ailəsini ziyarət edib

“Konstitusiya və Suverenlik İli” ilə bağlı, Tərtər rayon İcra Hakimiyyətinin Tədbirlər Planına uyğun olaraq, Azərbaycan Respublikasının dövlət suverenliyinin və ərazi bütövlüyünün bərpası uğrunda şəhid olmuş şəxslərin ailələrinin və qazilərin sosial qayğılarının öyrənilməsi və həlli istiqamətində tədbirlərin davam etdirilməsi məqsədilə Tərtər Rayon İcra Hakimiyyətinin başçısı Müstəqim Məmmədov YAP rayon təşkilatının sədri Eldar Əsədovla birlikdə rayonun Xoruzlu  kəndində Vətən müharibəsi şəhidi İsmayılzadə Orxan Rəhbər oğlunun ailəsini ziyarət edib, ailənin qayğıları ilə maraqlanıb.

Görüşdə şəhid Məmmədov Fərid Nofəl oğlunun anası Səmənnaz İsmayılova, şəhid Həsənov Zəka İsmayıl oğlunun anası Nazilə Həsənova, l qrup Qarabağ müharibəsi əlili Ayaz Məmmədov və l qrup Qarabağ müharibəsi əlili Vəkil Vəliyev iştirak ediblər.

Tərtər Rayon İcra Hakimiyyətinin başçısı Müstəqim Məmmədov rayonun Xoruzlu   kəndində Vətən müharibəsi şəhidi İsmayılzadə Orxan Rəhbər oğlunun ailəsini ziyarət edib, ailənin qayğıları ilə maraqlanıb.

Qeyd edək ki, Orxan İsmayılzadə 2004-ci il aprel ayının  2-də Tərtər rayonunun Kəbirli kəndində anadan olmuşdur.

Orxan İsmayılzadə Vətən müharibəsi zamanı Ermənistan silahlı qüvvələrinin Tərtər rayonunda yerləşən mülki yaşayış məntəqələrini, döyüş sahəsindən uzaqdakı mülki obyektləri ağır silahlardan atəşə tutması nəticəsində 24 oktyabr tarixində Kəbirli kəndinə düşən artilleriya mərmisi nəticəsində şəhid olub. Tərtər rayonunun Kəbirli kəndində dəfn olunub.

Şəhidimizin ailə üzvləri şəhid ailələrinə, qazilərə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.