Rayon İcra Hakimiyyətinin əməkdaşları şəhid Müşviq İsmayılovun anasının yas mərasimində iştirak ediblər

Tərtər Rayon İcra Hakimiyyəti başçısının birinci müavini Elvin Umudov Qafqaz Müsəlmanları idarəsinin səlahiyyətli nümayəndəsi, Tərtər Cümə Məscidinin imamı Sadiq Cəfərov və aparatın məsul əməkdaşları ilə birlikdə rayonun Mamırlı kəndində Birinci Qarabağ müharibəsi şəhidi İsmayılov Müşviq Bahadur oğlunun anası İsmayılova Rəqiyyə Əhməd qızının yas mərasimində iştirak edib, mərhumun ailə üzvlərinə başsağlığı verib.

 Qeyd edək ki, Müşviq İsmayılov 1971-ci il dekabr ayının 31-də Tərtər rayonunun Mamırlı kəndində anadan olmuşdur. Həmin kənd orta məktəbini bitirib və keçmiş Sovet Ordusu sıralarında həqiqi hərbi xidmətdə olmuşdur. Hərbi xidmətdən qayıtdıqdan sonra yaşadığı doğma kənddə Mamırlı kolxozunda kolxozçu işləyib. 1993-cü ilin noyabr ayında rayon hərbi komissarlığı tərəfindən Milli Ordu sıralarına səfərbər edilib. Xidmət etdiyi Milli Ordunun N saylı hərbi hissəsinin tərkibində erməni faşistlərinə qarşı Ağdərə bölgəsində gedən döyüşlərdə İştirak edib. 5 may 1994-cü ildə keçmiş Ağdərə rayonunun Həsənqaya kəndi uğrunda gedən döyüşdə şəhid olub.

Subay idi. Mamırlı kənd qəbiristanlığında dəfn olunub.

Mərhumun yaxınları şəhid ailələrinə göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.