Qarabağ Universitetinə tələbə qəbuluna dair növbəti təbliğat görüşü Tərtər rayonunda keçirilib
Qarabağ Universitetinin rektoru Şahin Bayramovun iştirakı ilə Tərtər rayonunda abituriyentlər üçün Qarabağ Universitetinə tələbə qəbuluna dair növbəti təbliğat görüşü keçirilib.
Tərtər şəhər 5 nömrəli tam orta məktəbdə keçirilən görüşdə Tərtər Rayon İcra Hakimiyyətinin başçısı Müstəqim Məmmədov, QRTİ-nin müdiri Sənan Mənsimli, rayonun təhsil işçiləri, 200-dən artıq abituriyent və onların valideynləri iştirak ediblər.
Qarabağ Universitetinin rektoru Şahin Bayramov çıxışında abituriyentlərə universitetin tədris proqramları, imkanları və qəbul qaydaları haqqında ətraflı məlumat verib. Rektor universitetin peşəkar professor-müəllim heyəti, müasir infrastruktur və tələbələr üçün yaradılmış geniş sosial-mədəni mühit barədə danışıb. Şahin Bayramov həmçinin tələbələrin gələcək karyeraları üçün universitetdə əldə ediləcək bilik və bacarıqların əhəmiyyətini vurğulayıb.
Tədbirin sonunda abituriyentlərə qəbul prosesi ilə bağlı əlavə məsləhətlər verilib.
