Milli Məclisin deputatı Sahib Alıyev 320 şagird yerlik Azad Qaraqoyunlu kənd tam orta məktəbində son təmir-tamamlama işləri ilə tanış olub
02 avqust 2023 | 11:27
Milli Məclisin deputatı Sahib Alıyev Tərtər Rayon İcra Hakimiyyəti başçısının birinci müavini Elvin Umudovla birlikdə Azad Qaraqoyunlu kəndində Heydər Əliyev Fondunun vəsaiti hesabına tikilən 320 şagird yerlik Azad Qaraqoyunlu kənd tam orta məktəbində son təmir-tamamlama işləri ilə tanış olub.
Qeyd edək ki, məktəb binası üç mərtəbədən və zirzəmidən ibarətdir. Binanın ümumi tikinti sahəsi 1521 kvadratmetrdir. İki korpusdan ibarət yeni məktəb binasında sinif otaqları, kimya, biologiya və fizika laboratoriyaları, informatika və hesablama texnologiyası kabinələri, idman və akt zalları, kitabxana, yeməkxana, inzibati otaqlar yaradılıb. Bina yeni dərs ilində məktəblilərin istifadəsinə veriləcək.
Keçidlər
