“Konstitusya və suverenlik İli-2025”: “Ümummilli Lider Heydər Əliyev müstəqil Azərbaycan Konstitusiyasının müəllifidir”
Tərtər Rayon İcra Hakimiyyətinin və YAP rayon təşkilatının təşkilatçılığı YAP rayon təşkilatının inzibati binasında “Konstitusiya və Suverenlik İli” çərçivəsində “Ümummilli Lider Heydər Əliyev müstəqil Azərbaycan Konstitusiyasının müəllifidir” mövzusunda“ dəyirmi masa” kecirilib.
Tədbirdə əvvəlcə Ulu Öndərin və torpaqlarımızın suverenliyi uğrunda canlarını qurban verniş şəhidlərin ruhu bir dəqiqəlik sükutla yad edilib.
Sonra Tərtər Rayon İcra Hakimiyyəti başçıcı aparatında İctimai-siyasi və Humanitar məsələlər şöbəsinin müdirinin müavini Zabil Paşayev Azərbaycan Respublikası prezidentinin sərəncamı ilə 2025-ci ilin “Konstitutsiya və suverenlik ili” elan edildiyini, bununla bağlı rayon icra hakimiyyəti başçısı tərəfindən Tədbirlər Planının təsdiq olunduğunu, silsilə tədbirlər keçirildiyini bildirib.
Zabil Paşayev bildirib ki, “Mənim həyat amalım bütün varlığım qədər sevdiyim Azərbaycan xalqına, dövlətçiliyimizə, ölkəmizin iqtisadi, siyasi, mənəvi inkişafına xidmət olub”, deyən Ümummilli Lider 1993-cü ildə yenidən hakimiyyətə gəldikdən sonra öz müdrik siyasəti və tarixi uzaqgörənliyi ilə milli dövlətçilik ideyasının həyata keçirilməsinə, müasir və müstəqil Azərbaycan dövlətinin qurulmasına nail oldu, onun rəhbərliyi ilə müstəqil dövlət qarşısında duran ən vacib məsələlərdən biri yeni Konstitusiya layihəsi hazırlandı.
Milli Məclisin 1995-ci il 2 may tarixli 1048 saylı qərarı ilə Ulu Öndər Heydər Əliyevin sədrliyi ilə yeni Konstitusiya layihəsini hazırlayan Komissiyanın tərkibi təsdiq olundu.
Yeni Konstitusiya layihəsini hazırlayan Komissiyanın 1995-ci il iyunun 5-də ilk iclası keçirildi.
Ulu Öndər Heydər Əliyev yeni Konstitusiyanın məramı, qaynaqları, mahiyyətinə aydınlıq gətirərək ölkənin Əsas Qanunu barədə belə demişdi: “Konstitusiya birinci növbədə dövlətlə, hakimiyyətlə xalqın arasında olan münasibətləri özündə əks etdirməlidir. Hakimiyyət bölgüsü, ali icra, qanunvericilik, məhkəmə hakimiyyətləri-bunlar hamısı xalqın iradəsinə söykənməli, seçkilər yolu ilə təmin olunmalıdır”.
Yeni Konstitusiya 5 bölmə, 12 fəsil, 158 maddə, preambula və keçid müddəalarından ibarət olmaqla 1995-ci il noyabrın 12-də ümumxalq səsverməsi–referendum yolu ilə qəbul edildi, 1995-ci il noyabrın 27-də isə qüvvəyə mindi. İlk Konstitusiyanın milli dövlətçilik tarixində müstəsna əhəmiyyəti nəzərə alınaraq, Ulu Öndər Heydər Əliyev tərəfindən imzalanan 1996-cı il 1 noyabr tarixli Fərmana əsasən, hər il noyabrın 12-si Konstitusiya Günü kimi qeyd edilməyə başlandı.
“Dəyirmi masa”da YAP rayon təşkilatının əməkdaşı Gündüz Alıkişiyev, rayon Telekommunikasiya qovşagının mühəndisi Elmir Həmidov və rayon Gigiyena və Epidemiologiya Mərkəzinin həkimi Gültəkin Hümbətova çıxış edərək, bildiriblər ki, Azərbaycan dövlətinin tərəqqisi, ölkə həyatının müxtəlif sahələrində həyata keçirilən hərtərəfli islahatlar öz mənbəyini məhz əsas qanundan götürüb. Konstitusiyada təsbit edilmiş əsas istiqamətlər, prinsip və prioritetlər ölkəmizdə güclü sosial dövlətin qurulmasına, hüquqi, iqtisadi və digər islahatların həyata keçirilməsinə, dövlət hakimiyyəti orqanlarının müasir tələblərə uyğun təşkil edilməsinə, eyni zamanda, insan hüquq və azadlıqlarının səmərəli müdafiə mexanizmlərinin formalaşdırılmasına davamlı hüquqi zəmin yaradıb. Çıxış edənlər “Ümummilli Lider Heydər Əliyev müstəqil Azərbaycan Konstitusiyasının müəllifidir” fikrini bir daha təsdiq ediblər.
