Kənd sakinlərinin müraciəti öz müsbət həllini tapıb
Azərbaycan Respublikasının Prezidenti cənab İlham Əliyevin tapşırıq və tövsiyyələrinə uyğun olaraq mütəmadi surətdə Tərtər Rayon İcra Hakimyyəti başçısı tərəfindən həm rayon icra hakimiyyətində, həm də yerlərdə vətəndaş qəbulları keçirilir. Keçirilən qəbullarda vətəndaşları narahat edən məsələlər yerində öyrənilir və onların rastlaşdıqları problemləri həll olunaraq, vətəndaş məmnunluğu təmin olunur.
Tərtər Rayon İcra Hakimiyyəti başçısının Sarov kəndində keçirilən səyyar qəbul görüşü zamanı Elbrus Hüseynov və digər kənd sakinləri müraciət edərək həyətyanı sahələrinin suvarılmasında istfadə etdikləri arxın yenidən bərpa olunmasını xahiş ediblər.
Müraciət əsasında rayon icra hakimiyyəti başçısının göstərişi ilə rayon icra hakimiyyətinin və Bəyimsarov bələdiyyəsinin nümayəndələrinin iştirakı ilə xüsusi texnika vasitəsilə qeyd olunan suvarma arxı bərpa olunaraq sakinlərin istfadəsinə verilib.
Kənd sakini müraciətinin tez bir zamanda həll olunduğuna görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.
