İcra başçısının sədrliyi ilə Tərtər Rayon İcra Hakimiyyəti başçısı aparatında növbəti şura iclası keçirilib

İclasda şura üzvləri, idarə, müəssisə, xidmət təşkilatlarının rəhbərləri və inzibati ərazi dairələri üzrə nümayəndələr iştirak ediblər.

Şura iclasını Tərtər Rayon İcra Hakimiyyətinin başçısı Müstəqim Məmmədov açaraq iştirakçıları gündəlikdə duran məsələ ilə tanış edib, bildirib ki, gündəlikdə 1 məsələ durur:  1. Tərtər rayonunun 2025-ci il üçün yerli gəlir və xərclərinin məbləğinin rayon icra hakimiyyətinin başçısı ilə razılaşdırılması haqqında.

Sonra rayon rəhbəri çıxış edərək bildirib ki, Tərtər Rayonu üzrə Maliyyə Şöbəsi tərəfindən təqdim edilmiş rayonun 2024-cü il yerli gəlirləri və xərclərinin icrası haqqında hesabata əssən gəlirlər üzrə 7136856,00 manat, xərcləri üzrə 6196114,00 manat  məbləğində vəsait icra olunmuşdur.

İcra başçısı qeyd etmişdir ki, rayonun 2025-ci il yerli gəlirləri 6978000,00 manat və xərcləri 6978000,00 manat məbləğində müəyyən edilmişdir.

Şəhər, qəsəbə və kəndlər üzrə nümayəndəliklərə yerli gəlir və xərclərini tənzimləmək üçün rayonun yerli gəlirlərindən ayrılan vəsaitin rüblük bölgüsü müəyyənləşdirilmişdir.

Rayon rəhbəri tərəfindən İƏD üzrə nümayəndələrə vətəndaşların vergi borclarının və icarə haqqlarının vaxtında ödənilməsi ilə bağlı təbliğat işlərinin aparılması tövsiyə edilmişdir.

Müzakirə edilən məsələ barədə Tərtər Rayon İcra Hakimiyyəti başçısının müavini-Sosial-iqtisadi inkişafın təhlili və proqnozlaşdırılması şöbəsinin müdiri Abbas Cavadov, Tərtər rayonu üzrə Maliyyə şöbəsinin rəisi Əli Əlizadə, Tərtər Dövlət Aqrar İnkişaf Mərkəzinin direktoru Mehman Babayev, Tərtər RİH başçısı aparatında Sosial-iqtisadi inkişafın təhlili və proqnozlaşdırılması şöbəsinin aparıcı məsləhətçisi Elxan Hüseynov və rayon Statistika İdarəsinin müdir əvəzi İradə Rəfiyeva çıxış ediblər.

Şura iclasında müvafiq qərar qəbul edilib, rayon İcra Hakimiyyətinin başçısı tərəfindən aidiyyəti şəxslərə müvafiq tapşırıqlar verilib.