İcra başçısının qəbul-görüşü zamanı edilən müraciət öz həllini tapıb
Azərbaycan Respublikasının Prezidenti cənab İlham Əliyevin tapşırıq və tövsiyyələrinə uyğun olaraq mütəmadi surətdə Tərtər Rayon İcra Hakimyyəti başçısı tərəfindən həm rayon icra hakimiyyətində, həm də yerlərdə vətəndaş qəbulları keçirilir. Keçirilən qəbullarda vətəndaşları narahat edən məsələlər yerində öyrənilir və onların rastlaşdıqları problemləri həll olunaraq, vətəndaş məmnunluğu təmin olunur.
Tərtər Rayon İcra Hakimiyyətində keçirilən qəbulda Tərtər şəhər sakini Həsənova Hüsniyyə Ramazan qızı müraciət edərək qısa qapanma nəticəsində yanmış evinin təmir olunması üçün köməklik göstərilməsini xahiş etmişdir. Müraciət əsasında rayon icra hakimiyyəti tərəfindən vətəndaşa evinin təmir olunması üçün 10 kisə sement və 4 kub qum köməklik olunmuşdur.
Hüsniyyə Həsənova ona göstərilən diqqət və qayğıya, problemlərinin həllinə həssaslıqla yanaşıldığına görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlığını bildirib.
