İcra başçısı Vətən müharibəsi şəhidi İsaxlı Anar Rəsul oğlunun ikinci ildönümü ilə əlaqədar ailəsini ziyarət edib

Tərtər Rayon İcra Hakimiyyətinin başçısı Müstəqim Məmmədov Səfərbərlik və Hərbi Xidmətə Çağırış üzrə Dövlət Xidmətinin Tərtər rayon şöbəsinin rəisi Elşən Abdullayev və YAP rayon Təşkilatının sədri Eldar Əsədovla birlikdə rayonun Cəmilli kəndindən olan Vətən müharibəsi şəhidi İsaxlı Anar Rəsul oğlunun ailəsinə baş çəkib, şəhidin ailə üzvlərinə başsağlığı verərək qayğıları ilə maraqlanıb.

Tərtər Cümə Məscidinin İmamı Sadiq Cəfərov  torpaqlarımızın ərazi bütövlüyü uğrunda canlarından keçmiş şəhidlərin ruhuna dualar oxuyub.

Azərbaycan Ordusunun müddətdən artıq xidmət keçən hərbi qulluqçusu İsaxlı Anar Rəsul oğlu 1997-ci il may ayının 30-da Tərtər rayonunun Cəmilli kəndində anadan olub. O, 27 sentyabr 2020-ci il tarixdə başlanan 44 günlük Vətən muharibəsində torpaqlarımızın azad olunması uğrunda vuruşub və yaralandığı üçün evə-qısamüddətli məzuniyyətə göndərilib.

Oktyabrın 20-də Ermənistan Silahlı Qüvvələrinin Tərtər rayonunun yaşayış məntəqələrini atəşə tutması nəticəsində yaşadığı evin həyətinə top mərmisi düşməsi nəticəsində şəhid olub.

İsaxlı Anar 44 günlük Vətən müharibəsində göstərdiyi igidliyə görə Azərbaycan Respublikasının Prezidenti cənab İlham Əliyevin müvafiq Sərəncamı ilə “Vətən uğrunda” medalı ilə təltif olunub.

Şəhidin ailə üzvləri şəhid və qazi ailələrinə göstərilən diqqət və qayğıya görə Azərbaycan Respublikası Prezidenti cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər. 

Allah şəhidimizə rəhmət eləsin!