İcra başçısı açıq ürək əməliyyatı keçirmiş Vətən müharibəsinin ikinci dərəcəli əlili İlqar Salmanlı yaşadığı evdə ziyarət edib
Tərtər Rayon İcra Hakimiyyətinin başçısı Müstəqim Məmmədov Bala Kəngərli kəndində yanvar ayının 8-də Mərkəzi Klinika Gəncə Xəstəxanasında açıq ürək əməliyyatı keçirmiş Vətən müharibəsinin ikinci dərəcəli əlili Salmanlı İlqar İlham oğlunu yaşadığı evdə ziyarət edib, onun səhhəti və ailənin qayğıları ilə maraqlanıb.
Qeyd edək ki, İlqar Salmanlı Vətən müharibəsi zamanı Füzulinin və Şuşanın azad olunması uğrunda gedən döyüşlərdə iştirak edib. Azərbaycan Respublikasının Prezidenti cənab İlham Əliyevin müvafiq Sərəncamları ilə “Füzulinin azad olunmasına görə” və “Vətən müharibəsi iştirakçısı” medalları ilə təltif edilib.
Qazimiz ona göstərilən diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlığını bildirib.
