“Heydər Əliyev İli” çərçivəsində 8 noyabr Zəfər Günü münasibəti ilə “Tarixi Zəfərimiz Heydər Əliyev siyasətinin təntənəsidir” mövzusunda ümumrayon tədbiri keçirilib

Tərtər Rayon İcra Hakimiyyətinin, YAP rayon təşkilatının və rayon Mədəniyyət Mərkəzinin birgə təşkilatçılığı ilə rayon Mədəniyyət Mərkəzində  “Tarixi Zəfərimiz Heydər Əliyev siyasətinin təntənəsidir” mövzusunda ümumrayon tədbiri keçirilib.

Tədbirdə rayon icra hakimiyyətinin başçısı Müstəqim Məmmədov, Milli Məclisin deputatı Sahib Alıyev, hüquq-mühafizə orqanlarının rəhbərləri, YAP rayon təşkilatının sədri Eldar Əsədov, Ağsaqqallar şurasının sədri Faiq Məmmədov, şəhid ailələri, qazilər, təhsil, səhiyyə və mədəniyyət işçiləri, idarə, müəssisə və təşkilat nümayəndələri iştirak ediblər.

Əvvəlcə Ulu Öndər Heydər Əliyevin Mərkəzi Meydanda abidəsi ziyarət olunub, abidənin önünə gül dəstələri düzülüb.

Sonra tədbir iştirakçıları rayon Mədəniyyət Mərkəzinin foyesində məktəblilərin hazırladığı 8 noyabr – Zəfər gününə həsr olunmuş rəsm və əl işlərindən ibarət sərgiyə baxıblar, ən yaxşı rəsm və əl işlərinin müəlliflərinə rayon icra hakimiyyətinin başçısı tərəfindən təşəkkürnamələr təqdim olunub.

Tədbir rayon  Mədəniyyət Mərkəzinin zalında davam etdirilib. Əvvəlcə Ulu Öndər Heydər Əliyevin və şəhidlərin əziz xatirəsi bir dəqiqəlik sükutla yad edilib, Dövlət himni səsləndirilib.

Sonra Tərtər Rayon İcra Hakimiyyətinin başçısı Müstəqim Məmmədov çıxış edərək bildirib ki, istər Azərbaycan tarixində, istərsə də xalqımızın yaddaşında Ümummilli Lider müstəqil və suveren dövlətin simvolu, xarizmatik siyasət dahisi, əsl vətəndaş kimi özünəməxsus yer tutub. Dövlətinə, xalqına bağlılığını atdığı hər bir addımı ilə təsdiqləyən Ulu Öndər Heydər Əliyevin iyunun 9-da Bakıya gəlişi, qardaş qırğınının qarşısını almaq istiqamətində göstərdiyi səylər də Onun Vətən, xalq sevgisinin aydın ifadəsi idi. 1993-cü ilin iyun ayında baş verən hadisələr qurtuluşa gedən yolun başlanğıcı kimi qəbul olunur. Ümummilli Lider iyunun 15-də Azərbaycan Ali Sovetinin sədri seçildi, iyulun 24-də isə Milli Məclisin qərarı ilə Azərbaycan Respublikası Prezidentinin səlahiyyətələrini həyata keçirməyə başladı. 1993-cü il oktyabrın 3-də ümumxalq səsverməsi nəticəsində Azərbaycanın Prezidenti seçildi.

Bu qayıdış Azərbaycanın həyatında yeni bir mərhələnin əsası oldu. Ümummilli Lider Heydər Əliyev düşünülmüş və məqsədyönlü siyasəti nəticəsində Azərbaycanı görmək istədiyi səviyyəyə yüksəltdi. Azərbaycan dünyaya Günəş kimi doğdu. Ulu Öndər, eyni zamanda, belə bir əminliyi ifadə edirdi ki, biz bu çətin günləri keçib gedəcəyik. Müstəqil Azərbaycan dünya birliyində öz layiqli yerini tutacaq. Hər bir Azərbaycan vətəndaşı özünün bu müstəqil dövlətə mənsub olduğunu böyük qürur hissi ilə bəyan edəcək. Bugünümüzün reallıqları dahi şəxsiyyətin bu istəklərinin təsdiqidir.

Bu gün Azər­bay­ca­na han­sı is­ti­qa­mət­dən bax­saq in­ki­şaf, tə­rəq­qi qa­çıl­maz­dır. Öl­kə­miz­də or­du qu­ru­cu­lu­ğu sa­hə­sin­də atı­lan ad­dım­la­rın uğur­lu nə­ti­cə­lə­ri də göz önün­də­dir. 44 gün­lük Vətən mü­ha­ri­bə­sin­də ta­rix ya­zan Azər­bay­can Or­du­su dün­ya­nın ən güc­lü orduları sı­ra­sın­da ol­du­ğu­nu bir da­ha təs­diq­lə­di.

Bu gün ha­ra­da ya­şa­ma­sın­dan ası­lı ol­ma­ya­raq hər bir azər­bay­can­lı bu Qə­lə­bə­nin sevinci­ni ya­şa­yır. Döv­lə­ti­mi­zin baş­çı­sı, Mü­zəf­fər Ali Baş Ko­man­dan İl­ham Əli­ye­vin qətiyyə­ti sa­yə­sin­də dün­ya­ya səs sa­lan bu Zə­fə­ri­miz ta­ri­xi­mi­zin ən şan­lı sə­hi­fə­si­dir. Qa­lib öl­kə­nin qa­lib Li­de­ri ki­mi iş­ğal­dan azad edil­miş tor­paq­la­rı­mı­za da­vam­lı sə­fər­lər edən cənab İlham Əli­yev hər də­fə bu fik­ri bil­di­rir ki, hət­ta ha­va da se­vi­nir, çün­ki bu tor­paq­la­ra əsl sahib­lə­ri gə­lib. Azər­bay­can Or­du­su er­mə­ni si­lah­lı qüv­və­lə­ri­ni iti qo­van ki­mi torpaqlarımız­dan qov­du. Or­du­mu­zun gü­cü, qüd­rə­ti qar­şı­sın­da diz çö­kən Er­mə­nis­ta­nın il­lər­dir ya­rat­dı­ğı "məğ­lu­be­dil­məz er­mə­ni or­du­su" mi­fi dar­ma­da­ğın edil­di.

Milli Məslisin deputatı Sahib Alıyev öz çıxışında qeyd edib ki, bu gün dün­ya Azər­bay­can Or­l­du­su­nun qəh­rə­man­lı­ğın­dan, dö­yüş tak­ti­ka­sın­dan bəhs edir. "Əl­bət­tə ki, hər­bi sa­hə­də mü­ha­ri­bə bi­zim şan­lı sə­hi­fə­miz­dir. Am­ma, ey­ni za­man­da, təc­rü­bə­dir" söy­lə­yən öl­kə Prezi­den­ti bil­di­rir ki, in­di bey­nəl­xalq hər­bi ek­s­per­t­lər de­yir­lər ki, Azər­bay­can XXI əs­rin mü­ha­ri­bə­si­ni apa­rıb: "Biz elə plan­laş­dır­ma­lı­yıq ki, bəl­kə də əl­li il­dən son­ra XXII əs­rin mü­ha­ri­bə­si­nə də ha­zır olaq. Çün­ki güc hər şe­yi həll edir. Əf­sus­lar ol­sun ki, bu, be­lə­dir. Bey­nəl­xalq hü­quq iş­lə­mə­di­yi yer­də an­caq güc ami­li həl­le­di­ci ola bi­lər."

Ar­tıq Dağ­lıq Qa­ra­bağ mü­na­qi­şə­si ta­ri­xə qo­vu­şub, öl­kə­mi­zin hə­ya­tın­da ye­ni sə­hi­fə açı­lıb, iş­ğal­dan azad edil­miş tor­paq­la­rı­mız­da qu­ru­cu­luq və bər­pa iş­lə­ri hə­ya­ta ke­çi­ri­lir. Tez­lik­lə xal­qı­mız hər bir və­di­ni kon­k­ret əmə­li ilə təs­diq­lə­yən Mü­zəf­fər Ali Baş Ko­man­dan İl­ham Əli­ye­vin rəh­bər­li­yi ilə Bö­yük Qa­yı­dı­şın da se­vin­ci­ni ya­şa­ya­caq.

Hey­dər Əli­yev si­ya­sə­ti­nin uğur­la­rı­nın miq­ya­sı o qə­dər ge­niş­dir ki, onu bir çıxışda əha­tə et­mək qey­ri-­müm­kün­dür. Bun­la­rın ümu­mi­ləş­di­ril­miş ifa­də­si bu gün Azər­bay­ca­nın adı­nın ta­ri­xə qa­lib öl­kə, Pre­zi­dent İl­ham Əli­ye­vin qa­lib Sər­kər­də, xal­qı­mı­zın məğ­rur, ye­nil­məz xalq, or­du­mu­zun rə­şa­dət­li or­du ki­mi ya­zıl­ma­sı­dır. Ata və­siy­yə­ti­ni ye­ri­nə ye­tir­di­yi üçün özü­nü xoş­bəxt hiss edən döv­lə­ti­mi­zin baş­çı­sı İl­ham Əli­yev hər bi­ri­mi­zin qü­rur ün­va­nı­dır. Cə­nab İl­ham Əli­ye­vin ət­ra­fın­da də­mir yum­ruq ki­mi bir­lə­şən xal­qı­mı­zın Li­de­ri­nə sev­gi­si son­suz­dur. Çünki o Xankəndi şəhərinin mərkəzində Azərbaycan bayrağını dalğalandırandan sonra  xalqımıza müraciətində dediyi kimi  verdiyi bütün vədlərə əməl edib. Dünyaya səs salan və yeni reallıqlar yaradan tarixi Zəfərimiz Heydər Əliyev siyasətinin təntənəsidir.

Tədbirində  rayon polis şöbəsinin rəisi Elçin Qasımov, YAP rayon təşkilatının sədri Eldar Əsədov, Vətən Müharibəsi Qəhrəmanı  şəhid Anar Əliyevin atası Vaqif Əliyev, “Azərbaycan Bayrağı Orden”li  Elnur Salahov çıxış ediblər. Çıxışlarda qeyd olunub ki, Ümummilli Lider Azərbaycana rəhbərlik etdiyi hər iki dövrdə tarixi xilaskarlıq missiyasını yerinə yetirib və Azərbaycanı tənəzzüldən, durğunluqdan, xaosdan çıxararaq inkişafa, tərəqqiyə doğru aparıb. Bugünkü əzəmətli və qüdrətli Azərbaycan məhz Heydər Əliyevin şah əsəridir, Vətən müharibəsində qazanılan şanlı Qələbə isə dahi rəhbərin əsasını qoyduğu siyasətin təntənəsidir.

Tədbirin sonunda Qarabağ Regional Mədəniyyət İdarəsinin Tərtər Rayon Mədəniyyət Mərkəzinin özfəaliyyət kollektivinin hazırladığı bədii-musiqili konsert proqramı təqdim edilib.