“Heydər Əliyev İli – 2023”: Uşaq Gənclər İdman Şahmat məktəbinidə müxtəlif yaş qruplarından olan komandalar arasında yarış keçirilib

Azərbaycan Respublikasında 2023-cü ilin “Heydər Əliyev İli” elan edilməsi haqqında” Respublika Prezidentinin 29 sentyabr 2022-ci il tarixli Sərəncamına əsasən Umummilli Liderin anadan olmasının 100 illiyi və 2023-cü ilin “Heydər Əliyev ili” elan edilməsinə dair Tədbirlər Planına əsasən Tərtər Rayon İcra Hakimiyyəti, YAP rayon təşkilatı və Təhsil Sektorunun təşkilatçılığı ilə Uşaq Gənclər İdman Şahmat məktəbinin müxtəlif yaş qruplarından olan şahmat komandaları arasında yarışlara start verilib.

Tədbir iştirakçıları əvvəlcə Umummilli Liderin  və torpaqlarımızın azadlığı uğrunda canlarından keçmiş  şəhidlərin xatirəsinə  hörmət və ehtiram əlaməti olaraq  onların xatirəsini bir dəqiqəlik sükutla yad ediblər.

Tədbirdə iştirak edən Tərtər RİHB aparatının İctimai- siyasi və humanitar məsələlər şöbəsi müdirinin müavini Zabil Paşayev, YAP rayon təşkilatının  nümayəndəsi Əli Paşayev, Uşaq Gənclər İdman Şahmat məktəbinin  direktoru Emin Quliyev, rayon Təhsil Sektorunun metodisti Lamiə Məmmədova çıxış edərək şahmatçılara yarışda  uğurlar arzulayıblar.

May ayının 30-da başlayan yarışlarda  məktəbin 55 şahmatçısı iştirak edib və yarış iki gün davam edib.

1-ci, 2-ci və 3-cü yerləri tutan komandalara Uşaq Gənclər İdman Şahmat məktəbi tərəfindən fəxri fərmanlar verilib.