“Heydər Əliyev İli – 2023”: Tərtər Olimpiya İdman Kompleksində kütləvi idman tədbirlərinə start verilib
Azərbaycan Respublikasında 2023-cü ilin “Heydər Əliyev İli” elan edilməsi haqqında Respublika Prezidentinin 29 sentyabr 2022-ci il tarixli Sərəncamına əsasən Ümummilli Liderin anadan olmasının 100 illiyi və 2023-cü ilin “Heydər Əliyev ili” elan edilməsinə dair Tədbirlər Planına əsasən Tərtər Rayon İcra Hakimiyyəti YAP rayon təşkilatı və rayon ərazisində yerləşən idarə, müəssisə və təşkilatlarla, hərbi hissələrlə birgə rayonda silsilə tədbirlər keçirir.
Aprel ayının 18-də Ümummilli Liderin 100 illik yubileyi münasibəti ilə rayon icra hakimiyyətinin, Azərbaycan Respublikası Müdafiə Nazirliyinin, Təhsil sektorunun, Gənclər və İdman İdarəsinin və Tərtər Olimpiya İdman Kompleksinin birgə təşkilatçılığı ilə rayon ərazisində yerləşən N saylı hərbi hissələrin hərbçiləri və ümumtəhsil məktəblərinin yuxarı sinif şagirdləri arasında Tərtər Olimpiya Kompleksində kütləvi idman tədbirlərinə start verilib.
Yarışdan öncə Ümummilli Liderin və torpaqlarımızın azadlığı uğrunda canlarından keçmiş şəhidlərin xatirəsinə hörmət və ehtiram əlaməti olaraq onların xatirəsi bir dəqiqəlik sükutla yad edilib.
Tədbirdə iştirak edən Tərtər RİHB aparatının İctimai- siyasi və humanitar məsələlər şöbəsinin müdir müavini Zabil Paşayev, N saylı hərbi hissənin polkovniki Seymur Həbibullayev, Gənclər və İdman İdarəsinin rəisi Emin Pənahov, Tərtər Olimpiya İdman Komplesinin müdiri Emin Dadaşov, Uşaq Gənclər İdman-Şahmat məktəbinin direktoru Emin Quliyev çıxış edərək Ümummilli Lider Heydər Əliyevin 100 illik yubileyi münasibəti ilə rayonda keçirilən tədbirlərdən, idman yarışlarından, “dəyirmi masa” və elmi konfranslar və sair tədbirlər haqqında məlumat verib və idmançılara uğurlar arzulayıblar.
Yarışda 40 nəfər hərbçi, 25 nəfər məktəbli, 15 nəfər həvəskar idmançı iştirak edib.
Ümumtəhsil məkblərinin yuxarı sinif şagirdləri ilə Müdafiə Nazirliyinin hərbi hissələrinin topçuları, mühəndisləri, komandoları və piyadaların iştirakı ilə Futbol, valeybol, şahmat və tenis yarışlarına püşkatma vasitəsi ilə start verilib.
Uşaq Gənclər Şahmat-İdman məktəbində isə ümumtəhsil məkblərinin yuxarı sinif şagirdləri ilə rayon ərazisində yerləşən N sayli hərbi hissələrin hərbçilərinin iştirakı ilə viktorina, rəsm və əl işlərindən ibarət sərgiyə start verilib.
Ulu Öndərin 100 illik yubileyinə həsr olunmuş kütləvi idman oyunları aprel ayının 28-də 3000 metr məsafəyə qaçış marafonu ilə ilə yekun vurulacaq. Yekun tədbirdə rayon Mədəniyyət Mərkəzinin özfəaliyyət kollektivinin və hərbçilərin iştirakı ilə konsert proqramı olacaq.
