Azərbaycan Respublikası Prezidentinin “Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” Sərəncamına uyğun olaraq su ehtiyatlarından səmərəli istifadənin təmin edilməsi sahəsində görülən işlər barədə rayon ictimaiyyəti məlumatlandırılmışdır
Azərbaycan Respublikası Prezidentinin “Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında” Sərəncamın 7.1. bəndində su ehtiyatlarından səmərəli istifadənin təmin edilməsi sahəsində görülən işlər barədə ictimaiyyətin məlumatlandırılmağı bildirilmişdir.
Tərtər SMSİİ-si əhali və qeyri-əhali olmaqla cəmi 7344 abonentə, əlavə olaraq 35 ədədi şəhid bulağı olmaqla ümumilikdə 341 ədəd ictimai bulaq vasitəsilə rayon əhalisinə içməli su xidməti göstərir. Abonentlərin içməli su təminatı 2 ədəd 5000 m3-lik mərkəzi su anbarı, rayon ərazisində yerləşən 37 ədəd subartezian quyusu vasitəsilə aparılır. 2024-cü il ərzində mənbədən 3.383.710 m3 həcmində içməli su götürülmüş və 2.929.052 m3 su əhali tərəfindən istehlak edilmişdir. Rayon üzrə illik itki faizi 12% olmuşdur. Ümumilikdə abonentlərin sayğaclaşma faizi 99.5 %- dir.
Tərtər rayon sakinlərinə rayonda su ehtiyatlarının qorunması, səmərəli idarə olunması və qənaətli istifadəsi, su obyektlərinə qanunsuz qoşulmaların qarşısının alınması məqsədilə su mənbələrindən istifadəyə icazələrin alınması mexanizmləri, suvarma qrafikləri üzrə növbəliyə riayət olunması, mütərəqqi suvarma texnologiyaların tətbiqi və digər məsələlər barədə geniş məlumat verilib. Vətəndaşların diqqətinə çatdırılıb ki, kənd təsərrüfatının inkişafı, suvarma və içməli su təchizatı şəbəkələrinin genişləndirilməsi nəticəsində ölkəmizdə suya olan tələbat ildən-ilə artır. Ona görə də, əkin sahələrinin suvarılması zamanı sudan səmərəli istifadə olunması üçün mütəmadi olaraq ciddi nəzarət tədbirləri həyata keçirilir.
