Bakı 2015 I Avropa Oyunlarının çırağı ətrafında növbəti tədbir
İyunun 10-da Tərtər Rayon İcra Hakimiyyəti Rayon Təhsil şöbəsi ilə birlikdə Heydər Əliyev Mərkəzində saxlanılan İlk Avropa Oyunlarının çırağı ətrafında növbəti tədbir keçirmişdir.
Tədbirdə Seydimli, Qaradağlı, Xoruzlu kənd tam orta məktəblərinin şagirdləri iştirak etmişlər. Tədbir Seydimli kənd tam orta məktəbinin şagirdləri tərəfindən hazırlanmış musiqili kompozisiya ilə başlamış, sonra digər məktəblərin şagirdləri də onlara qoşulmuşlar. Məktəblilər İlk Avropa Oyunlarına həsr olunmuş mahnılar oxumuş və şerlər demişlər.
Tədbirdə çıxış edən Xoruzlu kənd tam orta məktəbinin direktoru Rafiq Səfərov İlk Avropa Oyunlarının Azərbaycan üçün böyük əhəmiyyət kəsb etdiyini, onun bütün dünya üçün nümunəvi və əhəmiyyətli təcrübə olduğunu və Azərbaycan idmanının, iqtisadiyyatının və turizmin inkişafına, ölkəmizin tanınmasına xidmət edəcəyini vurğuladı. Bu mötəbər idman yarışında idimançılarımıza uğurlar arzuladı.
Sonda məktəblilər çıraq ətrafında xatirə şəkili çəkdirmişlər.
