Rayonda ağacəkmə marafonu davam edir
Noyabırın 22-də “Ümumrespublika Yaşıllaşdırma” marafonu çərçivəsində keçirilən növbəti ağacəkmə aksiyasında rayonun idarə, müəssisə və təşkilatları, kənd, qəsəbə inzibati ərazi dairələri üzrə nümayəndəlikləri, bələdiyyələr iştirak etmişdir. İlk növbədə, abadlaşdırılan ərazilərdə təmizləmə işləri görülmüş, yeni torpaq qatı salınmış, mineral gübrələr səpilmişdir. Aksiya çərçivəsində rayonun florasının daha da zənginləşdirilməsi və gözəlləşdirilməsi məqsədi ilə çinar, zeytun, kiparis, eldar şamı, qaraağac, kükünar, sərv, nar, liandra, göyrüş, alma, ərik və digər növlərdən olan ağaclar əkilmişdir. Ərazidə təmizləmə işləri görülmüş, ağacların suvarılması üçün su maşınları cəlb olunmuş, yaşıllıqlara lazımi səviyyədə qulluq göstərilməsi təmin olunmuşdur. Ümumilikdə bu günə kimi rayon ərazisində 7000 yaxın müxtəlif növ ağac və gül kolları əkilmişdir. I “Ümumrespublika Yaşıllaşdırma” marafonunda iştirak edən rayon icra hakimiyyətinin başçısı Müstəqim Məmmədov ağacəkmə və yaşıllaşdırma işləri ilə yaxından maraqlanaraq, rayonda yaşıllıqların artırılması, yeni ağacların əkilməsi istiqamətində görülən işlərin bundan sonara da diqqət mərkəzində saxlanılacağını bildirmişdir.
