Rayon rəhbəri Novruz şənliyində fərqlənən kollektivləri təltif edib

30 mart 2022 | 16:00

Rayon icra hakimiyyətinin başçısı Müstəqim Məmmədov Novruz Bayramı münasibəti ilə keçirilən ümumrayon tədbirində Rayon Mədəniyət Mərkəzinin, Uşaq Musiqi Məktəbinin, Umudlu Folklor Mədəniyyət Evinin, Soyulan Folklor Klubunun, Seydimli kənd İƏD üzrə nümayəndəliyin, Umudlu kənd tam orta məktəbinin və şəhər 5 saylı körpələr evi-uşaq bağçasının kollektivlərini tədbirdə fəal iştirak etdiklərinə görə Təşəkkürnamə ilə təltif edib. Bu münasibətlə keçirilən yığıncaqda rayon rəhbəri həmin kollektivlərin rəhbərlərinə Təşəkkürnamələrini təqdim edib, gələcək fəaliyyətlərində onlara uğurlar arzulayıb.

Təltif edilən kollektivlərin rəhbərləri Nigar Məmmədova, Ceyhun İsmayılzadə, Könül Hacıyeva və başqaları çıxış edərək onların kollektivinə göstərilən diqqət və qayğıya görə öz minnətdarlıqlarını bildiriblər.

Onlar gələcəkdə keçirilən tədbirlərdə daha fəal olacaqlarını, təltifdən sonra işlərinə məsuliyyətlərinin birəbeş artdığını bildirib, tədbirdən xoş təssəruatla ayrıldıqlarını vurğulayıblar.

Keçidlər