Tərtərdə gənclər gününə həsr olunmuş tir atıcılığı üzrə rayon turniri keçirilib
Azərbaycan Respublikası Gənclər və İdman Nazirliyinin təşəbbüsü əsasında həyata keçirilən “Gənclər həftəsi” çərçivəsində Tərtər Rayon İcra Hakimiyyətinin və Tərtər rayon Gənclər və İdman idarəsinin birgə təşkilatçılığı ilə rayon Gənclər Mərkəzində, açıq havada “2 fevral – Azərbaycan gəncləri günü”nə həsr edilmiş tir atıcılığı üzrə rayonun ümumtəhsil məktəblərinin şagirdləri (oğlanlar) arasında Tərtər rayon turniri keçirilib.
Ümumilikdə turnirə rayonun 23 ümumtəhsil məktəbinin şagirdləri qatılıb.
Nəticələrə əsasən l yeri Bala Kəngərli kənd ümumi orta məktəbin şagirdi Məmmədov Eldar Vüsal oğlu, ll yeri Buruc kənd tam orta məktəbin şagirdi Mayılzadə Vüqar Hafiz oğlu, lll yeri Şəhər 2 saylı məktəb-liseyin şagirdi Nadirov Fərid Ramin oğlu qazanmışlar.
Turnirin qalibləri Tərtər rayon Gənclər və İdman idarəsinin müvafiq diplomları ilə təltif olunub.
