II qrup Vətən müharibəsi qazisinə medal təqdim olunub

01 sentyabr 2021 | 16:00

Tərtər rayonunun Köçərli kənd sakini, ll qrup Vətən müharibəsi qazisi Hacıyev Ruslan Rafiq oğlu Azərbaycan Respublikası Prezidentinin 30 dekabr 2020-ci il tarixli 2374 nömrəli Sərəncamı ilə “Hərbi xidmətlərə görə” medalı ilə təltif olunub.

Bu münasibət ilə qazi rayon icra hakimiyyətinə dəvət olunub. Rayon icra hakimiyyətinin başçısı Müstəqim Məmmədov Səfərbərlik və Hərbi Xidmətə Çağırış üzrə dövlət xidmətinin Tərtər rayon şöbəsinin rəis müavini Ramil Qarayevlə birlikdə qazini qəbul edib.

Rayon rəhbəri Ruslan Hacıyevi Vətən müharibəsində göstərdiyi “Hərbi xidmətlərə görə” Ali Baş Komandan tərəfindən medalla təltif edilməsi münasibəti ilə təbrik edərək medalı sahibinə təqdim edib.

Qazi Vətən müharibəsində iştirak etməsindən, torpaqlarımızın işğaldan azad edilməsində iştirak etməsindən qurur duyduğunu bildirib, şəhid ailəsi və qazilərə göstərilən diqqət və qayğıya görə Ali Baş Komandana öz minnətdarlığını bildirib.

Keçidlər