İcra başçısı 85 yaşlı Nübar Mədətliyə baş çəkib

26 iyul 2021 | 16:00

Tərtər Rayon İcra Hakimiyyətinin başçısı Müstəqim Məmmədov rayonun Azad Qaraqoyunlu kəndində yaşayan 85 yaşlı şairə, publisist Nubar Mədətlinin evində olub, onun səhəti ilə maraqlanıb.

Nubar Mədətli uzun illər Azad Qaraqoyunlu kənd tam orta məktəbində müəllim işləyib. O, “Aşıq Pəri” məclisinin üzvü olub, ona yaxın kitab, yüzlərlə məqalə müəllifidir. 8 övladı, 20-yə yaxın nəvəsi var.

Şairə icra başçısını sevinclə qarşılayıb, Vətən müharibəsində qazanılan Qələbəni sevinc göz yaşları ilə qarşıladığını bildirib, I Qarabağ müharibəsində şəhid olmuş şagirdi, Azərbaycannın Milli Qəhramanı Elman Hüseynovla bağlı xatirələrini bölüşüb. Təqaüdçülərə göstərilən diqqət və qayğıya, kəndarası yollarının tikintisinə görə respublika Prezidenti cənab İlham Əliyevə, birinci vitse Prezidenti Mehriban xanım Əliyevaya öz minnətdarlığını bildirib.

Keçidlər