Elan

Azərbaycan Respublikasının Nazirlər Kabinetinin 30 may 2014-cü il tarixli 171 nömrəli Qərarı ilə təsdiq edilmiş “İctimai şuranın vətəndaş cəmiyyəti institutları tərəfindən seçilməsinə dair Əsasnamə”yə uyğun olaraq  Tərtər Rayon İcra Hakimiyyəti başçısının 17 may 2022-ci il tarixli 72 saylı Sərəncamı ilə Tərtər  Rayon İcra Hakimiyyəti yanında İctimai Şuraya seçkinin təşkili məqsədi ilə rayon icra hakimiyyəti əməkdaşlarından 4 üzv, vətəndaş cəmiyyəti institutu nümayəndələrindən 5 üzv olmaqla,  9 nəfərdən ibarət seçki komissiyası yaradılmışdır.

Tərtər  Rayon İcra Hakimiyyəti yanında İctimai Şuranın yaradılması üçün 21.06.2022-ci il tarixdə keçirilmiş iclasda Şuraya 9 nəfər üzv seçilmişdir. İctimai Şuranın səlahiyyət müddəti 21.06.2024-cü il tarixdə başa çatır.

Tərtər Rayon İcra Hakimiyyəti başçısının 15 aprel 2024-cü il tarixli 45 nömrəli sərəncamı ilə Tərtər  Rayon İcra Hakimiyyəti yanında İctimai Şuraya seçkinin təşkili məqsədi ilə seçki komissiyasının yeni tərkibi təsdiq edilmişdir.

Bununla əlaqədar olaraq 22 aprel 2024-cü il tarixdən etibarən 20 iş günü müddətində Tərtər Rayon İcra Hakimiyyəti yanında İctimai Şuraya namizədlərin irəli sürülməsi, qeydiyyatı elan olunur və 20 may 2024-cü il saat 18:00-da başa çatacaqdır. Hər bir vətəndaş cəmiyyəti institutu ictimai şuranın üzvlüyünə yalnız 1 nəfər namizəd irəli sürə bilər.

Seçki ilə bağlı əlavə məlumatların (hansı sənədlərin təqdim olunması və.s) əldə olunması üçün Rayon İcra Hakimiyyəti başçısı aparatının ərazi idarəetmə və yerli özünüidarəetmə orqanları ilə  iş şöbəsinə müraciət oluna bilər.

Tərtər Rayon İcra Hakimiyyəti