Avtomobil Yolları Dövlət Agentliyinin İdarə Heyətinin sədri Tərtərdə vətəndaşlarla görüşəcək
Azərbaycan Avtomobil Yolları Dövlət Agentliyinin (AAYDA) İdarə Heyətinin sədri Saleh Məmmədov oktyabr ayının 21-də Tərtər rayonunda vətəndaşları qəbul edəcək.
Qəbul saat 11:00-da Tərtər rayonunun Gənclər Mərkəzinin inzibati binasında keçiriləcək. Qəbulda Tərtər və Bərdə rayonlarının sakinləri iştirak edə bilərlər.
Qəbula yazılmaq istəyənlərin Tərtər rayonu “42 №-li Yol İstismarı” və Bərdə rayonu “43 №-li Yol İstismarı” MMC-lərində öncədən qeydiyyatdan keçmələri xahiş olunur. Vətəndaşlar qəbula şəxsiyyətini təsdiq edən sənədlə gəlməli və qaldırdıqları məsələlər Agentliyin səlahiyyətlərinə aid olmalıdır.
Qəbul mərkəzi icra hakimiyyəti orqanlarının və digər idarəetmə qurumlarının rəhbərlərinin 2022-ci ilin oktyabr ayında şəhər və rayonlarda vətəndaşların qəbulu cədvəlinə uyğun olaraq aparılacaq.
