Şriftin ölçüsü :

Saytın rəngi :

Azad Qaraqoyunlu kəndində növbəti səyyar-qəbul görüş oldu

14 sentyabr 2018 | 16:00

Tərtər Rayon İcra Hakimiyyəti Başçısının növbəti səyyar qəbul-görüşü Azad Qaraqoyunlu kəndində oldu.

Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak ediblər.

Əvvəlcə Azad Qaraqoyunlu kənd İƏD üzrə nümayəndə Nazim Xəlilov kəndin sosial-iqtisadi inkişafı, əhalisi, onların məşğuliyyəti, görülən işlər barədə məlumat verib, kənddə mövcud olan sosial obyektlərin vəziyyətindən danışıb.

Sonra vətəndaşların müraciətləri dinlənilib. Kənd ağsaqqalı Arif Hüseynov kəndin su, qaz, işıq probleminin həll olunduğu üçün respublika Prezidentinə kənd sakinləri adından minnətdarlıq edib, sonra kənd yolunun asfaltlanması ilə bağlı müraciət etdi.

Sonra Süleyman Məmmədov, Məxmər Əzimova, Mürşid Nəsibov, Tünzalə Cəfərova, Röya Hüseyinli, Nadir Abbasov əsasən əkin sahələrinin suvarılması, kənd məktəbi üçün yeni binanın tikilməsi, pay torpağının zəbt olunması və digər şəxsi məsələlərlə bağlı müraciət etdilər.

Qaldırılan məsələlər barədə icra başçısı tərəfindən əlaqədar qurumlara aidiyyəti tapşırıqlar verildi.

Rayon icra hakimiyyətinin başçısı Müstəqim Məmmədov Tərtərin sosial-iqtisadi inkişafı, əhalini narahat edən problemlərin həlli istiqamətində həyata keçirilən tədbirlərdən də danışaraq, bildirdi ki, görülən işlər bundan sonra da davam etdiriləcək.

Kənd sakinləri əhalinin problemlərinin həlli istiqamətində həyata keçirilən tədbirlərə, göstərilən diqqət və qayğıya görə ölkə rəhbərinə öz minnətdarlıqlarını bildiriblər.

 

Keçidlər