Xəbərlər

Ünvan: Tərtər r-nu
Faks: (+99422)236-40-06
E-mail: mail@terter-ih.gov.az

Növbəti səyyar qəbul-görüşü İrəvanlı kəndində oldu
2019-06-28
Tərtər Rayon İcra Hakimiyyəti başçısının növbəti səyyar qəbul-görüşü İrəvanlı kəndində oldu. Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, ərazi icra nümayəndələri, bələdiyyə sədrləri, kənd sakinləri iştirak etdilər. Əvvəlcə İrəvanlı kənd İƏD üzrə nümayəndə Bəxtiyar Cəfərov kəndin sosial-iqtisadi inkişafı, əhalisi, onların məşğuliyyəti, görülən işlər barədə məlumat verib, kənddə mövcud olan sosial obyektlərin vəziyyətindən danışdı. Bildirildi ki, İrəvanlı kəndinin 290 təsərrufatı, 1035 nəfər əhalisi var. Kənd sakinlərinin əsas məşğuliyyəti maldarlıq və əkinçilikdir. Ötən il onlar hər hektardan 33 sentner arpa, 37 sentner buğda, 33,5 sentner pambıq, 400 sentner çuğundur təhvil veriblər. Kümçülər isə 240 kq barama istehsal ediblər.
Tərtərdə “Suvarma şəraitində yeni taxıl sortları, texnologiyalar və nümunəvi əkinlərin nümayişi” mövzusunda respublika müşavirəsi keçirilib
2019-06-27
Kənd Təsərrüfatı Nazirliyi Aqrar Elm və İnnovasiya Mərkəzinin Əkinçilik Elmi-Tədqiqat İnstitutu və onun strukturuna daxil olan Tərtər Bölgə Təcrübə Stansiyasının birgə təşkilatçılığı ilə Tərtər rayonunda “Suvarma şəraitində yeni taxıl sortları, texnologiyalar və nümunəvi əkinlərin nümayişi” mövzusunda respublika müşavirəsi keçirilib. Müşavirədə Kənd Təsərrüfatı Nazirliyinin və Azərbaycan Milli Elmlər Akademiyasının (AMEA) müvafiq elmi-tədqiqat institutlarının, Milli Aviasiya Akademiyasının alim və mütəxəssisləri, eləcə də fermerlər, kənd təsərrüfatı məhsulları istehsalçıları iştirak ediblər
Tərtərdə 26 iyun Silahlı Qüvvələr Günü münasibəti ilə tədbir keçirildi
2019-06-26
Daim ordumuzla bir yerdə olan tərtərlilər 26 iyun Silahlı Qüvvələr Gününü rayon ərazisindəki hərbi hissələrdə əsgər və zabitlərlə birgə qeyd ediblər. Rayon ictimaiyyətinin nümayəndələri və ərazidə xidmət edən hərbi qulluqçular əvvəlcə ümummilli lider Heydər Əliyevin Tərtər şəhərinin mərkəzi meydanındakı abidəsini ziyarət edərək, önünə gül dəstələri düzüblər. Tərtər rayon İcra Hakimiyyətinin başçısı Müstəqim Məmmədovun, hüquq-mühafizə orqanlarının rəhbərlərinin, rayon ictimaiyyətinin nümayəndələrinin iştirak etdiyi tədbirlərdə əvvəlcə respublikamızın müstəqilliyi və ərazi bütövlüyü uğrunda həlak olanların xatirəsi bir dəqiqəlik sükutla yad edilib, Azərbaycanın Dövlət Himni səsləndirilib. Müdafiə naziri, general-polkovnik Zakir Həsənovun əsgər və zabitlərə təbrik məktubu oxunub.
Tərtərdə “Ağ qayıq” tamaşası nümayiş olunub
2019-06-25
İyunun 25-də Tərtər rayon Mədəniyyət Mərkəzinin səhnəsində Şuşa Dövlət Musiqili Dram Teatrının yaradıcı kollektivinin ifasında “Ağ qayıq” tamaşası təqdim olunub. Əvvəlcə pyesin müəllifi Elnurə Abdullayeva çıxış edərək əsər haqqında ətraflı məlumat verib. Bildirib ki, əsərin süjeti real hadisələr üzərində qurulub. Əsərdə Qarabağ müharibəsində Azərbaycan xalqının başına gətirilən müsibətlərdən, erməni faşistlərinin qəddarlığından danışılır
Davud Nəsibin yeni nəşr olunan “Cavanşir” tarixi romanının təqdimatı oldu
2019-06-25
İyunun 25-də Tərtər şəhər Mədəniyyət Mərkəzində şair, publisist, tərcüməçi Davud Nəsibin yeni nəşr olunan "Cavanşir” tarixi romanının təqdimatı keçirilib. Tədbiri giriş sözü ilə açan Tərtər Rayon İcra Hakimiyyətinin başçısı Müstəqim Məmmədov qonaqları salamlayıb, kitabın əhəmiyyəti haqqında danışıb və kitabın tariximizin öyrənilməsi üçün mühüm vəsait olduğunu diqqətə çatdırıb. Davud Nəsibin oğlu Xəyyam Nəsibov çıxış edərək əvvəlcə tədbirin təşkilatçılarına və iştirakçılara dərin təşəkkürünü bildirib, atasının həyat və yaradıcılığından danışıb, əsər haqqında ətraflı məlumat verib. Qeyd edib ki, Davud Nəsibin “Cavanşir” tarixi romanı Albaniyanın VII əsrdə yaşamış böyük hökmdarı, ordunun baş komandanı Cavanşirin qəhramanlıqla zəngin, keçməkeşli, faciəli sonluqla bitən həyat və fəaliyyətindən bəh edir.
Tərtərdə dövlət qulluqçuları peşə bayramlarını qeyd etdilər
2019-06-22
23 iyun-Dövlət Qulluqçularının Peşə bayramı günü münasibəti ilə Tərtər rayonunda tədbir keçirilib. Əvvəlcə tədbir iştirakçıları Ulu Öndərin abidəsi önünə gül-çiçək dəstələri qoyub, xatirəsini ehtiramla yad ediblər. Sonra tədbir rayon Gənclər Mərkəzində davam etdirilib
Növbəti səyyar qəbul-görüş Kəbirli kəndində oldu
2019-06-21
Tərtər Rayon İcra Hakimiyyəti başçısının növbəti səyyar qəbul-görüşü Kəbirli kəndində oldu. Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, ərazi icra nümayəndələri, bələdiyyə sədrləri, kənd sakinləri iştirak etdilər
Tərtərdə İqtisadiyyat nazirinin müavini vətəndaşları qəbul edib
2019-06-21
İyunun 21-də İqtisadiyyat nazirinin müavini Sahib Məmmədov Tərtər rayonunda Naftalan şəhəri və Tərtər rayonundan olan vətəndaşları qəbul edib. İqtisadiyyat Nazirliyinin aidiyyəti struktur bölmələrinin nümayəndələrinin iştirakı ilə keçirilmiş qəbulda vətəndaşlar diqqətlə dinlənilib, qaldırılan məsələlərin böyük əksəriyyəti yerindəcə həll edilib, digər müraciətlərin operativ araşdırılması və qanunvericiliyə uyğun həlli üçün müvafiq tapşırıqlar verilib.
Tərtərdə “Azərbaycanda 2019-cu ildə keçiriləcək bələdiyyə seçkilərində iştirak edəcək “Lider qadınlarının şəbəkəsi”nin yaradılması” mövzusunda tədbir keçirildi.
2019-06-18
İyunun 18-də YAP Tərtər rayon təşkilatının konfrans zalında Avropa İttifaqının maliyyələşdirdiyi, BMT-nin İnkişaf Proqramının qismən maliyyələşdirdiyi və icra etdiyi “Genderə həssas Dayanıqlı İnkişaf Məqsədlərinin Həyata Keçirilməsində Vətəndaş Cəmiyyətinin Rolunun Artırılması” proqramı üzrə “Qadınlar Bələdiyyələrin İnkişafı Uğrunda” İctimai Birliyi tərəfindən həyata keçirilən “Dayanıqlı İnkişaf Məqsədlərinin tətbiqi vasitəsilə Gender Əsaslı Bələdiyyələrin təşviqi” layihəsi çərçivəsində tədbir keçirildi. Tədbiri Tərtər rayon İcra Hakimiyyəti başçısının birinci müavini Ramiz Şabanov açaraq qonaqları salamladı. O Tərtər rayonun fəal bələdiyyə üzv qadınların əla təcrübəsindən və əldə etdikləri nailiyyətlərdən danışdı. Qarşıdan gələn bələdiyyə seçkilərində qadın iştirakçılığının rolu və qərar qəbuletmə proseslərində qadın təmsilçiliyi haqqında danışaraq layihənin Tərtərdə keçirilməsinin vacibliyini vurğuladı.
Tibb işçilərinin peşə bayramı günü münasibəti ilə tədbir keçirildi
2019-06-17
Tərtərdə 17 iyun-Tibb İşçilərinin Peşə Bayramı günü münasibəti ilə tədbir keçirildi. Əvvəlcə tədbir iştirakçıları Ulu Öndərin abidəsi önünə gül-çiçək dəstələri qoyaraq, xatirəsini ehtiramla yad etdilər. Sonra tədbir YAP Tərtər rayon təşkilatının inzibati binasında davam etdirildi Tədbirdə bir qrup tibb işçisi işlərində fərqləndiklərinə görə rayon icra hakimiyyətinin başçısı tərəfindən Fəxri Fərman və hədiyyələrlə mükafatlandırıldılar
Azərbaycan Vətən Müharibəsi Veteranları İctimai Birliyi Tərtərdə zona müşavirəsi keçirib
2019-06-17
AVMVİB rayon və şəhər şöbələrinin əlaqələrinin möhkəmləndirilməsi, mövcud problemlərin həllində qarşılıqlı yardımlaşmanı və cəbhə bölgəsində vəziyyətlə yaxından tanış olmaq məqsədiylə zona müşavirəsini Tərtər şəhərində keçirdi. Əvvəlcə tədbir iştirakçıları Ümummilli liderimiz Heydər Əliyevin abidəsini ziyarət edib, xatirəsini ehtiramla yad edərək abidəsi önünə tər gül-çiçək dəstələri qoydular.
“Tərtər rayonunda taxıl biçininin, barama tədarükünün, pambıq və çuğundur sahələrində becərmə işlərinin gedişi vəziyyəti barədə” müşavirə keçirilib
2019-06-16
Tərtərdə keçirilən müşavirədə kənd təsərrüfatının inkişafı ilə bağlı qarşıda duran vəzifələr müzakirə edilib. Yerli icra nümayəndələri, bələdiyyə sədrləri, idarə, müəssisə, təşkilat rəhbərləri, kənd təsərrüfatı mütəxəssisləri, fermerlər və ictimaiyyət nümayəndələrinin iştirak etdiyi müşavirədə rayonda kənd təsərrüfatı sahəsində görülən işlərdən və qarşıda duran vəzifələrdən danışılıb. Müşavirədə Tərtər rayon İcra Hakimiyyətinin başçısı Müstəqim Məmmədov çıxış edərək bildirilib ki, Prezident İlham Əliyevin respublikada kənd təsərrüfatının və sahibkarlığın inkişafı, yerli istehsalın artırılması, idxaldan asılılığın azaldılması, əhalinin məşğulluğunun yüksəldilməsi, torpaq sahələrindən səmərəli istifadə olunması barədə tapşırıqları Tərtər rayonunda uğurla icra olunur.
Tərtərdə 15 iyun Milli Qurtuluş Günü münasibəti ilə ümumrayon tədbiri keçirildi
2019-06-15
Əvvəlcə tədbir iştirakçıları Mərkəzi Meydanda Umummilli lider Heydər Əliyevin abidəsini ziyarət edib, önünə gül-çiçək dəstələri qoydular, onun həyat və fəaliyyətini əks etdirən kitab sərgisinə baxdılar. Sonra tədbir YAP Tərtər Rayon Təşkilatının Qərargahında davam etdi. Tədbiri rayon icra hakimiyyətinin başçısı Müstəqim Məmmədov açaraq tərtərliləri Milli Qurtuluş Günü münasibəti ilə təbrik etdi, Ulu Öndərin Azərbaycan xalqının xilaskarı olduğunu vurğuladı.
Növbəti səyyar qəbul-görüş Mamırlı kəndində oldu
2019-06-14
Tərtər Rayon İcra Hakimiyyəti başçısının növbəti səyyar qəbul-görüşü Mamırlı kəndində oldu. Qəbulda rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət və digər xidmət təşkilatlarının rəhbərləri, ərazi icra nümayəndələri, bələdiyyə sədrləri, kənd sakinləri iştirak etdilər. Əvvəlcə Mamırlı kənd İƏD üzrə nümayəndə Şahid Məmmədov kəndin sosial-iqtisadi inkişafı, əhalisi, onların məşğuliyyəti, görülən işlər barədə məlumat verib, kənddə mövcud olan sosial obyektlərin vəziyyətindən danışdı. Bildirildi ki, Mamırlı kəndinin 483 təsərrufatı, 2237 nəfər sakini var. Ərazidə 1 tam orta məktəb, 1 klub, 1 tibb məntəqəsi, 1 kitabxana, 1 EATS, 1 körpələr evi-uşaq bağçası, 1 poçt, 5 məişət obyekti fəaliyyət göstərir
Umumtəhsil məktəblərində “Son zəng” çalındı
2019-06-14
İyun ayının 14-də rayonun 34 tam, 10 ümumi orta məktəbində “Son zəng” çalındı. Bu il rayon üzrə 598 nəfər şagird XI sinfi, 743 nəfər şagird isə IX sinfi bitirir. Məktəblərdə təşkil olunan “Son zəng” tədbirlərinə rayon icra hakimiyyətinin, idarə, müəssisə və təşkilatların nümayəndələri də qatıldırlar. Bütün umumtəhsil məktəblərində tədbir dövlət bayrağının gətirilməsi, Dövlət himninin səsləndirilməsi ilə başlandı. Sonra məktəblilərin hazırladıqları rəngarəng musiqi nömrələri, müəllimlərin, valdeyinlərin, məzunların çıxışları bir-birini əvəz etdi.
“Erkən nikah və işsizlik insan alverinə şərait yaradan səbəblər kimi” mövzusunda maarifləndirmə tədbiri keçirilib
2019-06-10
Tərtər rayonunda “Erkən nikah və işsizlik insan alverinə şərait yaradan səbəblər kimi” mövzusunda maarifləndirmə tədbiri keçirilib. Tədbir Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun İnsan Alveri Qurbanlarına Yardım Mərkəzi və nazirlik yanında Dövlət Məşğulluq Xidmətinin Tərtər rayon Məşğulluq Mərkəzi tərəfindən təşkil olunub. Ümumtəhsil məktəblərinin psixoloqlarının, gənclərin, sosial işçilərin və digərlərinin iştirak etdiyi tədbirdə mövzu ilə bağlı müzakirələr və maarifləndirmə aparılıb.
Gülabatlı kəndində növbəti səyyar qəbul-görüş keçirilib
2019-06-07
Qəbulda, rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak etdilər. Əvvəlcə Buruc kənd İƏD üzrə nümayəndə Böyükkişi Məlikov kəndin sosial-iqtisadi inkişafı, əhalisi, onların məşğuliyyəti, görülən işlər barədə məlumat verib, kənddə mövcud olan sosial obyektlərin vəziyyətindən danışdı. Qeyd olundu ki, Gülabatlı kəndinin 245 hektar ərazisi, 404 nəfər sakini var. Ərazidə 1 tam orta məktəb, 1 klub, 1 tibb məntəqəsi, 1 kitabxana, 1 EATS, 1 körpələr evi-uşaq bağçası fəaliyyət göstərir.
Tərtərdə barama tədarükünə başlanıb
2019-06-07
Ölkəmizdə ənənəvi və ixracyönümlü təsərrüfat sahəsi olan baramaçılığın inkişaf etdirilməsi ilə bağlı həyata keçirilən tədbirlər öz bəhrəsini verməkdədir. Son illər cəbhə bölgəsində yerləşən Tərtər rayonunda da baramaçılığın inkişaf etdirilməsi istiqamətində zəruri tədbirlər həyata keçirilir. İpəkqurdunun yem bazasının bərpası məqsədilə 2016-2018-ci illərdə rayon ərazisində 228 min ədəd tut tingi əkilib ki, onun da 100 min ədəddən çoxu Çin Xalq Respublikasından gətirilib. Mövcud və yeni əkilən tut ağacları, əhalinin baramaçılıq sahəsindəki təcrübəsi, həmçinin bu sahənin gəlirli olması baramaçılığın inkişafına marağı artırıb.
Rayon rəhbəri Ramazan Bayramı münasibətilə aprel şəhidi Nicat İsgəndərovun ailəsinə baş çəkib
2019-06-05
Tərtərdə şəhidlərimizin ruhu daim əziz tutulur, doğmalarına, yaxınlarına diqqət və qayğı göstərilir. Tərtər Rayon İcra Hakimiyyətinin başçısı Müstəqim Məmmədov fəaliyyətə başladığı ilk gündən şəhidlərimizin ruhuna ehtiram göstərərək onların ailələrinə, doğmalarına və yaxınlarına daim hörmətlə yanaşır. Hər zaman onların problemləri ilə yaxından maraqlanır, qarşılaşdıqları çatışmazlıqların həlli istiqamətində işlər görür. Bu gün Rayon İcra Hakimiyyətinin başçısı Müstəqim Məmmədov hüquq mühafizə orqanlarının rəhbərləri ilə birlikdə Ramazan Bayramı münasibətilə aprel şəhidi Nicat İsgəndərovun atası Bəhruz İsəndərovun evində olub, onun səhəhətilə maraqlanıb. Qeyd edək ki, şəhid atası Bəhruz İsgəndərov Heydər Əliyev Fondunun maliyyə dəstəyi ilə may ayının 23 də ürəyində yaranmış problemlə əlaqədar əməliyyat olunub, hazırda sağlığına qovuşub.
Tərtərdə Su təsərrüfatı işçilərinin peşə bayramı qeyd olunub
2019-06-04
İyunun 4-də Tərtərdə Su Təsərrüfatı və Meliorasiya İşçilərinin Peşə bayramı münasibəti ilə tədbir keçirilib. Əvvəlcə tədbir iştirakçıları Ulu Öndərin xatirəsini yad edərək, abidəsinin önünə gül-çiçək dəstələri qoydular. Sonra tədbir rayon icra hakimiyyətinin iclas zalında davam etdirilib. Tədbirdə çıxış edənlər Meliorasiya İşçilərini peşə bayramları münasibəti ilə təbrik ediblər. Xalqımızın ümummilli lideri Heydər Əliyev ideyalarının Prezident İlham Əliyev tərəfindən uğurla davam etdirilməsi nəticəsində digər sahələrdə olduğu kimi su təsərrüfatı sektorunda da böyük uğurlar qazanıldığını, əhalinin içməli su təchizatı və kanalizasiya xidmətlərindən istifadəsinin yaxşılaşdırılması üçün genişmiqyaslı işlər görüldüyünü, təxirəsalınmaz layihələr həyata keçirildiyini bildiriblər.
Tərtərdə “1 iyun - Uşaqların Beynəlxalq Müdafiəsi günü” qeyd olundu
2019-06-01
İyunun 1-də Tərtər rayon İcra Hakimiyyətinin təşkilatçılığı ilə Şıxarx qəsəbəsi ərazisində məcburi köçkünlər üçün inşa edilmiş yeni qəsəbədə yerləşən 5 saylı körpələr evi-uşaq bağçasında “1İyun–Uşaqların Beynəlxalq Müdafiəsi Günü”nə həsr olunmuş tədbir keçirildi. Tədbirdə Tərtər rayon İcra Hakimiyyətinin başçısı Müstəqim Məmmədov, hüquq-mühafizə orqanlarının rəhbərləri, məktəbəqədər təhsil müəssisələrinin müəllim və şagird kollektivləri, valideynlər iştirak edib. Əvvəlcə tədbir iştirakçıları uşaqların əl işlərindən ibarət sərgiyə baxıblar. Tərtər rayon İcra Hakimiyyətinin başçısı Müstəqim Məmmədov bayram tədbirinə toplaşan çoxsaylı uşaqları salamlayaraq, onları 1 iyun-Uşaqların Beynəlxalq Müdafiəsi Günü münasibəti ilə təbrik edib.
Tərtər Rayon İcra Hakimiyyətində könüllülərə sertifikatlar təqdim edildi
2019-05-31
Mayın 31-də Tərtər rayon İcra Hakimiyyətində fəaliyyət göstərən Könüllülər ilə görüş keçirilib. Görüşdə Tərtər rayon İcra Hakimiyyəti başçısı Müstəqim Məmmədov könüllü gəncləri təbrik edərək könüllüllük hərəkatının əhəmiyyətindən danışıb, onlara gələcək fəaliyyətlərində uğurlar arzulayıb. Dövlət orqanlarında gənclərin potensialından daha səmərəli istifadə etmək, cəmiyyətin bütün sahələrində gənclərin fəal iştirakına şərait yaratmaq, onlara peşə vərdişlərini aşılamaq və təcrübi biliklərini artırmaq, onların yaradıcı və innovativ potensialının üzə çıxarılmasını dəstəkləmək və ölkədə könüllülük hərəkatını inkişaf etdirmək məqsədilə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyi ilə əlaqələndirməklə ölkədə gənclər arasında könüllülük fəaliyyətinin daha geniş təşviq edilməsinə başlandığını bildirib.
Növbəti səyyar qəbul-görüş İsmayılbəyli kəndində oldu
2019-05-31
Qəbulda, rayon icra hakimiyyətinin, hüquq-mühafizə orqanlarının, səhiyyə, təhsil, mədəniyyət, digər xidmət təşkilatlarının rəhbərləri, ərazi icra nümayəndələri, bələdiyyə sədrləri və kənd sakinləri iştirak etdilər. Əvvəlcə İsmayılbəyli kənd İƏD üzrə nümayəndə Aslan Babayev kəndin sosial-iqtisadi inkişafı, əhalisi, onların məşğuliyyəti, görülən işlər barədə məlumat verib, kənddə mövcud olan sosial obyektlərin vəziyyətindən danışdı. Qeyd olundu ki, İsmayılbəyli kəndinin 1220 hektar ərazisi, 1586 nəfər sakini var. Ərazidə 1 tam orta məktəb, mədəniyyət evi, tibb məntəqəsi, 1 kitabxana, 1 EATS fəaliyyət göstərir. Kənd sakinlərinin əsas məşğuliyyəti maldarlıq və əkinçilikdir. Cari ildə kənddə 175 hektar buğda, 55 hektar arpa, 230 hektar pambıq, 58 hektar günəbaxan, 5,5 hektar şəkər çuğunduru, 270 hektar yonca, 17 hektar kartof, 35,5 hektar tərəvəz, 4 hektar lobya, 15 hektar qarğıdalı əkilib, hazırda kənddə 35 qutu ipəkqurdu saxlanılır.
Rayon rəhbəri İsmayılbəyli kəndində təsərrüfatların vəziyyəti ilə tanış olub
2019-05-31
Bu gün Tərtər Rayon İcra Hakimiyyətinin başçısı Müstəqim Məmmədov rayonun İsmayılbəyli kəndində kümçülərlə və pambıq əkən fermerlərlə görüşüb, təsərrüfatların mövcud vəziyyətlə tanış olub. Rayon rəhbərinə ipəkqurdunu yetişdirmək üçün görülən işlər və pambıq sahələrinin vəziyyəti barədə ətraflı məlumat verilib. Icra başçısı fermerlərə işlərində uğurlar arzulayıb, onlara köməklik məqsədi ilə əlaqədar şəxslərə lazimi tövsiyə və tapşırıqlarını verib.
Heydər Əliyev Fondu Tərtərdə iftar süfrəsi təşkil edib
2019-05-29
Heydər Əliyev Fondu Ramazan ayı münasibətilə mayın 29-da Tərtərdə iftar süfrəsi təşkil edib. İftar süfrəsində din xadimləri, şəhid ailələrinin üzvləri, Qarabağ müharibəsi əlilləri və imkansız ailələrdən olan insanlar, həmçinin N saylı hərbi hissənin əsgərləri iştirak ediblər. Mərasimdə çıxış edənlər ölkəmizdə həyata keçirilən dövlət-din siyasətindən, milli-mənəvi dəyərlərə göstərilən diqqət və qayğıdan, tolerantlıq mühitinin qorunub saxlanmasından, Ramazan ayının əhəmiyyətindən və fəzilətlərindən danışıblar.